Co bo sabor de boca que deixou o segundo simposio de megalitismo, o concello de Vimianzo xa ten programadas para este mes de setembro tres roteiros de sendeirismo para coñercer o patrimonio do municipio. A actividade está organizada pola concellería de Cultura que dirixe Marta Rei.
A primeira saída está programada para o sábado día 10 ás 10 horas, partindo do Castelo de Vimianzo. Nun roteiro de 10 km polo Val de Vimianzo visitaranse aldeas, castros, pazos, capela,... A segunda saída será o 17 de setembro e tamén se partirá ás 10 horas do Castelo para visitar os Penedos de Pasarela. Pecharán o mes o sábado 24, no que visitarán distintos megalitos do concello.
Os roteiros teñen unha lonxitude aproximada de 10 km e son aptos para todos os públicos. Para participar é preciso anotarse, no teléfono 981 716 354 ou no enderezo electrónico visitavimianzo@gmail.com.
Por outra banda durante os mes de setembro continuarán as visitas guiadas ao Castelo de Vimianzo e aos Batáns de Mosquetín. Serán os sábados e domingos á 12 e 17 e ás 13 e 18 horas respectivamente.
Novas relacionadas
