Vimianzo abre o prazo para as actividades culturais e deportivas

Xa está aberto o prazo para anotarse nas actividades culturais e deportivas que organiza o Concello de Vimianzo dentro do Programa Actívate 2016-17. Un progama que é un exemplo da aposta do Concello de Vimianzo polo deporte, a cultura, o lecer e o tempo libre, achegando as actividades ás persoas e programandoas segundo as necesidades e as demandas da veciñanza.

Até o venres 7 de outubro estará aberto o prazo. Esta tempada ofertánse 13 actividades culturais e 14 deportivas. O número de grupos dependerá das persoas inscritas, haberá grupo sempre que haxa un mínimo de 12 persoas inscritas por actividade.
As persoas empadroadas no Concello de Vimianzo e as familias numerosas teñen descontos nos prezos de matrícula.

Fonte

• Concello de Vimianzo.