A Feirauto puxo o seu regalo de Nadal para as familias máis necesitadas
09 de xaneiro de 2021 (01:52 h.)
Como vén sendo habitual nos úlmos anos, os representantes dos talleres de coches de Baio que organizan Feirauto entregaron onte pola tarde os agasallos da campaña solidaria “Un coche, unha ilusión”. Agora será o persoal do Departamento de Servizos Sociais do Concello de Zas o encargado de distribuir os regalos entre as familias do municipio con menos recursos.
Roupa de abrigo, calzado e roupa para o fogar son os artigos que predominan e todos foron adquiridos no comercio local.