Un grupo de nais e pais, acompañados do alcalde, presentaron onte as firmas no Rexistro Xeral da Xunta de Galicia
As familias de Zas continúan loitando para recuperar as 35 horas semanais no servizo de pediatría. E precisamente onte, un grupo de pais e nais de Zas acompañados do alcalde, Manuel Muíño, entregaron Rexistro Xeral da Xunta de Galicia as case 1.000 firmas recollidas durante estes meses co propósito de que o Sergas restableza o servizo.
As firmas, que representan máis do 20% da poboación, pertencen a veciños e veciños do municipio maiores de 18 anos o, cal, segundo indican dende a coordinadora "demostra a preocupación da veciñanza". A Coordinadora “Zas sen recortes en pediatría” ten previsto realizar novas accións nos próximos días co fin de que o Sergas restableza o servizo xa que dende o pasado mes de xuño o especialista en pediatría presta asistencia en días alternos nos centros de saúde de Zas e de Baio entre as 12:00 e as 15:00 horas, cando antes o facía de 08:00 a 15:00 horas.