Deteñen un home por agredir sexualmente a unha menor nunhas festas da Laracha
25 de marzo de 2024 (12:02 h.)
- O Xulgado de Carballo decretou o ingreso en prisión, comunicada e sen fianza, para o detido.
A Garda Civil detivo esta fin de semana a un home por un suposto delito de agresión sexual a unha menor, de 17 anos de idade. A agresión desenvolveríase durante as festas parroquiais da Laracha na noite do sábado ao domingo, e ante a mirada de moitas persoas.
O home chegaría a bicar e realizar tocamentos á menor, momento no cal foi increpado por veciños, que alertaron á Garda Civil. Os axentes detivérono e trasladárono a dependencias do Instituto Armado na Laracha, á espera de pasar a disposición xudicial.