O Dolmen de Dombate énchese de vida cultural por verán
Co horario de verán xa dende o pasado 1 de xuño, a actividade cultural acentúase no Dolmen de Dombate para os meses de xullo e agosto. O programa artellado pola Deputación da Coruña e o Concello de Cabana inclúe propostas lúdicas e divulgativas adaptadas á prevención e seguridade precisa ante a Covid-19.
Son unha serie de actividades de balde pero para algunhas é preciso inscribirse previamente os interesados deben enviar un correo a dombate2020@gmail.com indicando nome e teléfono de contacto.
Visitas teatralizadas cos Quinquilláns
Un ano máis Os Quinquilláns serán os protagonistas de ‘O tempo das pedras’, visita teatralizada ao carón dos pinos do Centro Arqueolóxico Dolmen de Dombate.
As sesión repetiranse os sábados de xullo e agosto ás 18:00 e 19:30 (dous pases), con entrada gratuíta ata completar aforo (non é necesaria inscrición previa).
Obradoiros de Prehistoria con Galipat
Así mesmo, volven os obradoiros de Prehistoria ao Centro Arqueolóxico Dolmen de Dombate con Galipat Servizos Culturais. Tamén haberá doble sesión (ás 11:00 e 12:30) os sábados e domingos de xullo e agosto no piñeiral do Dolmen de Dombate, cun aforo limitado -10 persoas.
Para as actividades nas que é preciso inscribirse previamente os interesados deben enviar un correo a dombate2020@gmail.com indicando nome e teléfono de contacto.
Visitas nocturnas
Noites de estrelas con Jorge Mira
Arqueociclismo
Mediodías musicais
Música na catedral
Novas relacionadas
- Dombate xa ten horario de verán.
- Miro Villar: Antoloxía de Dombate.