Man de Camelle ten a súa estatua
Tiña lugar esta semana santa o acto para o anuncio do gañador do Concurso do Concello de Camariñas “Unha estatua de Man, o artista de Camelle”, no marco do proxecto financiado polo GAC “MAN: Mar, Arte e Natureza”. Un concurso para buscar unha escultura mimética de Manfred Gnädinger, o alemán de Camelle, polo cal foi convocado o presente concurso.
O Concello de Camariñas recibiu seis propostas de diferentes artistas para levar a cabo dito encargo, anunciando o pasado 25 de marzo -na súa páxina web www.mandecamelle.com- o xurado seleccionado para a elección do proxecto final.
O gañador do concurso foi o escultor Francisco Castro Freijo coa obra “Man se queda de piedra”. O escultor, formado na Escola de Canteiros de Pontevedra, realizará una estatua en granito a tamaño natural da figura de Man.
Dito xurado está composto por D. Xosé Antón Castro Fernández como presidente - licenciado en Historia da Arte e Arqueoloxía pola Universidade de Santiago e doutor en Arte pola Universidade Complutense de Madrid- e os vogais D. Enrique Velasco Vieitez, actual secretario da Escola de Canteiros de Pontevedra, e D. Xosé Manuel Barros Hermida, artista e fundador da Asociación Mar de Fábula.
Todos os proxectos do concurso serán presentados próximamente en Camelle, para posta en coñecemento do público xeral.
Máis información
Novas relacionadas
- Man de Camelle xa ten o seu proxecto de rehabilitación.
- Recunchos da Costa: O Museo de Man de Camelle.
- #7marabillas: Museo de Man de Camelle.
- Lorena en Verde: Man de Camelle.
- #12anosdoPrestige.
- Fotodenuncia: O Museo de Man, en coma.
- Os voluntarios da Fundación Man de Camelle protestan ante a impasibilidade das administracións cunha velada.
Fonte
- Redacción de QPC (info@quepasanacosta.gal).