A experiencia educativa da Escola de Hostalería de Carballo despois de elaborar 2.500 menús para familais desfavorecidas
Experiencia singular a que viviu a Escola Municipal de Hostalaría entre o 28 de abril e o 19 de xuño. En plena pandemia, alumnado e profesorado poñéronse a sumar e elaboraron nada menos que 2.500 menús para veciños e veciñas do noso concello en situación de vulnerabilidade.
O pasado venres rematou o curso, nunha xornada que serviu para repasar o feito, e agradecer o compromiso dos mestres Fernando Agrasar e José Manuel Martínez; e do ao alumnado pola súa implicación e o seu traballo voluntario para axudar ás familias con máis necesidades.
“Quedounos unha parte do programa formativo sen poder ver, pero do que non cabe dúbida é de que esta experiencia vaivos dar moita máis soltura na cociña que vos resultará moi útil á hora de realizar as prácticas”, engadiu Fernando Agrasar.
Maica Ures agradeceu “porque co voso gran de area, que foi moi grande, axudastes a mellorar a calidade de vida para moitos veciños e veciñas. Penso que a experiencia foi unha aprendizaxe didáctica para vós, pero para o resto da sociedade foi unha aprendizaxe de solidariedade”.