Venres. 25.09.2020
El tiempo

A Escola de Hostalería de Carballo convírtese nunha cociña solidaria

Fernando Agrasar na Cociña Solidaria da Escola Municipal de Hostaleria de Carballo, xunto co concelleiro de Formación e Emprego, Iván Andrade, e a concelleira de Igualdade e Benestar, Maica Ures.
Fernando Agrasar na Cociña Solidaria da Escola Municipal de Hostaleria de Carballo, xunto co concelleiro de Formación e Emprego, Iván Andrade, e a concelleira de Igualdade e Benestar, Maica Ures.
A Escola de Hostalería de Carballo convírtese nunha cociña solidaria

Fermoso proxecto no que se está convertindo a Escola Municipal de Hostalaría. Todo o alumnado (excepto un que non pode compatibilizar horarios) aceptou volver aos fogóns, ás ordes de Fernando Agrasar, para levar comida elaborada a familias en situación de vulnerabilidade.

O primeiro menú deste mestre-chef con estrellas michelín, foi croquetas de bacallau ao pil-pil e filetes de lombo de porco con pisto de verduras e pataca cocida, aproveitando a doazón realizada ao Concello de Carballo polas empresas Seragra, Cultiagro e Patatas Gómez Vázquez, que tamén fixeron unha doazón ao Concello da Laracha.

Esta semana farán 200 comidas, pero poderán ir aumentando para “axudar á xente máis necesitada cunha alimentación saudable e variada”, explicou Agrasar, xa afeito a esta clase de iniciativas pois colabora coa ONG do chef José Andrés no proxecto do comedor solidario do Banco de Alimentos da Coruña. E, ao mesmo tempo, a experiencia resulta unha oportunidade única para que o alumnado “vexa como se cociña nestes grandes formatos, porque non é o mesmo cociñar para 15 ou 20 persoas que para 90 ou 100”, valora Agrasar.

A primeira xornada transcorreu dun xeito moi ordenado, sen aglomeracións nin necesidade de intervención do voluntariado de Protección Civil que se achegou ata o Fórum Carballo para colaborar.

A Escola de Hostaleria Munciipal de Carballo

comentarios