Valentín González Formoso pon en valor os 18 millóns que o Plan Único trae este ano á Costa da Morte
Visitaba onte o presidente da Deputación da Coruña, Valentín González Formoso, o Concello de Carballo. Acompañado polo vicepresidente Xosé Regueira e o alcalde Evencio Ferrero, deron conta do Plan Único (POS+2025) nos concellos da comarca.
Un Plan que trae este curso case 18 millóns de euros para os 19 concellos daas comarcas de Bergantiños, Soneira, Fisterra, Carnota-Muros e Xallas, un 72% respecto ao orzamento inicial do ano pasado.
Con esta cifra, dende 2017 o Plan Único leva investidos 158 millóns de euros, permitindo financiar 911 obras (en xeral vinculado co asfalto) e numerosos servizos públicos (gasto corrente principalmente) e programas sociais.
Os 19 concellos das comarcas de Bergantiños e Costa da Morte recibirán un investimento récord na primeira achega do Plan Único de 2025. Carballo encabeza a listaxe con 2.400.792 euros, seguido de Vimianzo (1.320.997 €), A Laracha (1.265.833 €) e Coristanco (1.138.685 €).
Zas, Muxía, Ponteceso, Dumbría, Cabana de Bergantiños ou Cee, entre outros, tamén verán notablemente incrementadas as achegas da Deputación para acometer proxectos estratéxicos en infraestruturas, servizos sociais e dinamización local.
-
CONCELLO
POS+2025
TOTAL
2017-2025
OBRAS APROBADAS
Cabana de Bergantiños
819.407,31 €
7.050.789,28 €
37
Camariñas
604.197,28 €
4.729.528,91 €
35
Carballo
2.400.792,78 €
22.861.768,55 €
59
Carnota
Cee
631.469,00€
758.183,09 €
4.965.327,52€
6.237.403,17 €
41
53
Cerceda
881.076,65 €
7.945.454,48 €
65
Corcubión
249.647,55 €
2.044.006,46 €
21
Coristanco
1.138.685,94 €
7.925.138,98 €
42
Dumbría
879.252,04 €
7.931.284,11 €
56
Fisterra
484.320,62 €
4.024.866,09 €
32
Laxe
472.455,04 €
2.793.309,72 €
27
Laracha (A)
1.265.833,27 €
11.279.099,45 €
70
Malpica de Bergantiños
691.396,14 €
5.845.112,29 €
52
Mazaricos
Muros
Muxía
1.165.983,10
862.017,14€
976.889,18 €
8.954.507,64
7.251.051,49 €
7.258.055,42 €
32
43
52
Ponteceso
906.948,64 €
6.379.203,47 €
22
Santa Comba
Vimianzo
1.563.606,08€
1.320.997,54 €
13.098.759,45€
11.061.298,68 €
63
66
Zas
1.065.814,90 €
8.221.302,97 €
44
TOTAIS
19.138.503,00 €
157.8572.68,13 €
911
Sistema "medieval" de reparto da Xunta
Formoso aproveitou para criticar á Xunta. "Por primeira vez na historia, a Deputación da Coruña destina máis fondos para financiar os 93 concellos da provincia que a Xunta para os 313 concellos de toda Galicia".
E foi a máis, xa que inquerido sobre o sistema de financiamento da Deputación, Formoso destacou que "non só é cantidade de cartos que se destinan, senón a maneira". "Dános igual quen goberne en Corcubión, en Lousame ou en Narón. Financiamos en base a parámetros obxectivos como a extensión, a poboación, o número de parroquias, os quilómetros de vías que se teñen que manter... É todo en base a un cálculo matemático obxectivo", explicou o presidente.
En contraposición, explicou Formoso, "a Xunta de Galicia convoca aos seus alcaldes con premeditación e aleivosía para avisar que un día concreto sae unha subvención e faino en concorrencia non competitiva, polo que o primeiro que presente a súa solicitude leva os cartos autonómicos". "Parece un sistema medieval, non do século XXI. Non é a Galicia que garanta dereitos iguais en cada punto cardinal do país", lamentou.