Os comercios de Cee adhírense á campaña provincial de comercio local MercaNaVila

Xa son 36 os establecimentos ceenses adheridos ao  programa MercaNaVila. Así o corraborou esta pasada mañá de martes a deputada de Emprego, Industria e Medio Ambiente da Deputación da Coruña, Rosa Ana García, na súa visita á vila da Xunqueira para presentar o e animar aos comerciantes locais a sumarse a esta campaña de dinamización do comercio de proximidade impulsada pola Deputación en colaboración coa Federación Galega de Comercio.

Rosa Ana García destacou a boa acollida e o interese mostrado polos establecementos de Cee, onde xa hai 32 pequenos negocios adheridos ao programa, e subliñou que “MercaNaVila é unha ferramenta directa para incentivar as vendas e fortalecer o comercio dos pequenos municipios, que é un motor esencial para a economía e o emprego das nosas vilas. O obxectivo é mobilizar arredor de 25 millóns de euros en vendas nos comercios das vilas e pobos da provincia da Coruña”.

100 en euros en descontos para gastar no pequeno comercio

O programa MercaNaVila está dotado con 6 millóns de euros e permitirá ás persoas consumidoras obter bonos de 100 euros en descontos directos para mercar nos establecementos adheridos, que poderán descargarse no móbil a partir do 20 de outubro.

Os comercios interesados poden adherirse a esta campaña ata o 20 de outubro a través da plataforma www.mercanavila.gal.