Días de accidentes polas estradas da bisbarra

Parecía que calmara un pouco aquela febre de accidentes do mes de febreiro. Pero estes días volven as estradas a ser protagonistas. Ata 5 accidentes se rexistraron nas nosas estradas nestes 4 últimos días, afortunadamente, sen falecidos.  

Novo choque en Cee

Esta tarde de luns, houbo un novo accidente no concello de Cee. Un choque frontal entre dous vehículos na AC-552 entre Bustelo e a capital municipal. Resultou ferida a condutora dun dos vehículos e no outro vehículo viaxaban 7 persoas (5 menores), pero non resultaron feridos.

Ao lugar acodiron Protección Civil de Cee, os Bombeiros (que non tiveron que intervir), Tráfico e Urxencias Médicas. Si que tiveron que traballar os medios de mantemento de estradas para abrir o tráfico de novo.

 

Unha saída no polígono do Allo

Consecuencias da Saída de vía en o Allo-Zas Esta mañá de luns producíase unha saída de vía dun Wolgsvagen Polo gris (HBN) no polígono do Allo, en Baio, Zas, a altura de Talleres Traba, (AC-552, km 55,500). Un particular alertaba ao 112, que solicitaba a presencia de Urxencias Médicas, os Bombeiros de Santa Comba, a Garda Civil e Protección Civil.  

Un ferido en Carballo

Tamén esta mañá de luns, arredor das 8:40h, un particular alertaba un accidente na Avda. Fisterra, en Carballo, a altura de Calvo, cun saldo dunha persoa ferida de carácter leve, que foi atendida por Urxencias Médicas, que acodía ao lugar xunto coa Garda Civil, e Protección Civil.  

Domingo de accidentes de moto

Un veciño de Laxe e outro de Malpica resultaron feridos (o laxense de gravidade) tras sendos accidentes de moto acontecidos na tarde do pasado domingo. O primeiro accidente sucedía ás 14:00h na estrada AC-433 que une Laxe e a Ponte do Porto, e o motorista empotrábase contra unha furgoneta. O helicóptero tiña que trasladar de urxencias ao veciño de Laxe. Xa pola noite, case ás 23:00h, un señor maior de Malpica sufría unha saída de vía ao saírse ca súa moto en Folgueira, Cerqueda. Non sufriu graves consecuencias.

O Helicóptero de Urxencias tivo que acodir ata Malpica  

Nova saída no Carrizal

E lembramos de paso, unha nova saída de vía na perigosa costa do Carrizal da AC-552, en Coristanco, que acontecía na tarde do pasado venres. Unha persoa resultou ferida.

Accidente no Carrizal-Foto-Fabián Santos  

Accidentes 2016-2015

• Stop Accidentes: “No 90% dos casos o conductor é o único responsable do seu comportamento”.
• 22-03-16: Excarcelan unha persoa tras un accidente en Camariñas.
• 11-03-16: Un ferido nun accidente de moto en Fornelos, en Zas.
• 29-02-16: Nova fin de semana de accidentes.
• 24-02-16: Un ferido tras un accidente en Berdeogas.
• 15-02-16: Un novo falecido nas estradas costeiras ao ser arrollado en moto por un camión
• 13-02-16: Falece un mozo de 19 anos ao caer o seu coche a un río en Carballo.
• 11-02-16: 6 persoas resultaron feridas en senllos accidentes rexistrados en Dumbría, Malpica e Paxareiras.
• 11-02-16: Falece un home nun novo atropelo en Rus.
• 10-02-16: Varios feridos en dous atropelos en Cee e Baio.
• 10-02-16: Un ferido tras unha colisión por alcance en Corcubión.
• 08-02-16: Falece en accidente de tráfico Paula Sueiro, unha das recanteiras do Luar.
• Outubro 2015: Fin de semana de accidentes nas estradas costeiras, mesmo cun falecido.
• Setembro 2015: Un falecido en Coristanco tras colidir cun camión.
• Xuño 2015: Falece unha veciña de Lires nun accidente de tráfico en Bustelo.
• Maio 2015: Falece un neno de dous anos tras ser atroplelado en Coristanco.
• Abril 215: Un peón faleceu en Cabana despois de ser atropelado por un turismo.

Fonte

• AXega.
• Redacción de QPC (info@quepasanacosta.com).
• La Voz.