"Espero que nuns meses poidamos gozar da Casa da Cultura de Cee"
Van máis de 14 anos dende que a Casa da Cultura de Cee tiña que estar rematada. Por iso, e porque xa temos anunciado en innumerables ocasións que a súa apertura está moi preto, non queremos lanzar as campás ao voo. En todo caso, parece que pode ser desta.
A Deputación vén de asinar un convenio coa alcaldesa ceense Zaira Rodríguez polo cal a entidade provincial aportará 74.000€ para o acondicionamento escénico necesario para o auditorio, así como a instalación dun sistema contradincendios. Unha axuda que chega despois da adquisición de 348 das 500 butacas que terá o auditorio.
As instalacións poderán abrirse ao público tras finalizar estas últimas obras, pero non deron datas. “Espero que nuns meses poidamos gozar das súas instalacións”, dixo o presidente da Deputación Diego Calvo.
O acordo inclúe a posta en funcionamento da climatización interior do auditorio, a iluminación, carpintería e pintura da sala de exposicións e outras actuacións no escenario como son a electricidade, maquinaria escénica, o sistema de son ou a instalación do pano, ademais da adecuación do camerinos.
Nova a nova
- 07-07-14: 348 butacas para a casa da cultura de Cee.
- 05-11-13: Ogando realizará as obras da posta en funcionamento da Casa da Cultura de Cee.
- A Operación Orquesta por Concellos (IV): Cee.
- 26-03-13: A Casa da Cultura de Cee abrirá a medias.
- 15-02-13: O último impulso á Casa da Cultura de Cee?.
- 31-08-11: Repaso ao sumario da Operación Orquesta (VII): Falseando a Casa da Cultura.
- 25-03-11: A Casa da Cultura de Cee abre por fin as súas portas.
- 07-09-10: Última partida para a Casa da Cultura de Cee.
- 13-01-2009: Cee emprega o Fondo Estatal na Casa da Cultura e nas parroquias.
- 30-09-08: O Ministerio dá un novo impulso á Casa da Cultura de Cee.
- 18-08-07: A Casa da Cultura de Cee rematarase no 2009.
- 12-09-07: A Deputación axudará para a finalización da Casa da Cultura de Cee.
Fonte
- Redacción de QPC (info@quepasanacosta.gal).