Ex alumnos de Bachaleralo de Cee reúnense moitos anos despois

Deindo
27 de abril de 2012 (09:08 h.)

Aí os vemos nunha das últimas reunións que realizaron. Eran o mes de agosto de 1988 e como vedes, xa choveu. Pero este verán todos estes ex compañeiros terán a oportunidade de volverse atopar. I é que un pequeno grupo de amigos e ex-compañeiros das primeiras promocións do Instituto Laboral Fernando Branco de Cee tomaron a iniciativa de realizar un encontro acompañado dunha comida.
Un xantar aberto a todos aqueles ex-alumnos comprendidos entre os cursos de 1954-55, primeira promoción, a 1970-71, última promoción do Bacharel Laboral.

Finalmente, o día sinalado será o 30 de xuño, nunha xornada completa. I é que comezará cunha concentración ás 10:30h nos xardíns do Instituto Fernando Branco de Cee para facer unha foto de familia como esta. De contado, ás 11:00h, toca misa cantada polo Coro do Centro Social de Cee na Capela do Centro en memoria dos profesores e alumnos falecidos. A partir das 12:15 haberá visita ao interior das dependencias do centro, que seguro que está moi cambiado.
Contra a 13:00h terán unha ocasión de descubrir os Tesouros do Museo Fernando Branco cunha charla, para proceder ao xantar de confraternidade a partir das 14:30h.

Será "un encontro emocionante, recordando anécdotas e vivencias daquela época, logo de tantos anos transcorridos", explícanos Modesto García, un dos promotores da reunión.

Inscricións

Os interesados en participar neste evento, xunto coas súas esposas, se o desexan, e afrontar os gastos previstos para a comida, que serán de 40€, deberán ingresalos antes do 15 de xuño en:

  • Conta de Novagaliciabanco.
  • Titular: Ex alumnos Bacharelato Laboral.
  • Nº de conta: 2080 0022 06 3040021361.

Novas relacionadas

Etiquetas
Cee Costa da Morte fundacion fernando blanco museo ies