Impresionante Gala humorística solidaria con Palestina en Cee

Tremenda a "Gala Cómica Solidaria por Palestina" que se vai celebrar este xoves 16 decembro no Salón de Actos do Concello de Cee ás 20:00h no Salón de Actos do Concello de Cee. Organizada pola ONG Pallasos en rebeldía, e achegada ata a Costa da man do activo Mohamed Safa, a gala trae de novo á palestra a difícil situación do pobo palestino. Pero faino con humor e con solidariedade pois a recaudación (a entrada custa 5€) irá integramente á ONG. Serán nada menos que Xosé Touriñán, a Mucha do Luar, o que leve o peso da presentación esta gala pertencente ao 1º Festival Internacional de Pallasos en Rebeldía Festiclown Palestina 2010-2011. Pero serán moitas as caras coñecidas, como as de Talía Teatro, que tamén participarán solidariamente. Amenizarán musicalmente Los 7 magnificos + 1 e A Compañía do Ruido, Trasno, Mentalini e o mago Dani García.

Venda entradas

  • Reserva e venda anticipada no 981 745 100, extensión 3. Ou na Concellería de Cultura, Concello de Cee 2º andar.
  • Venda na billeteira do Salón de Actos 2 horas antes.

Un exército de narices vermellos

Festiclown Palestina nace, como declara o director do proxecto, “da certeza de que a risa é o alimento do corazón, a esperanza do futuro”. Dese xeito, unha caravana solidaria (a primeira do Festiclown Palestina 2010-2011) está a traballar estes días in situ para "paliar sensiblemente as consecuencias psicolóxicas dunha guerra interminable, fomentar as artes circenses como alternativa psicolóxica e social a unha economía de ocupación e conflito bélico eternizado", indica tamén Iván Prado. Esta gala e os demais actos que se organizaron e organizan por todo o país en solidariedade co Festiclown Palestina son unha oportunidade para que o “exército dos narices vermellos” medre un pouco máis e sume efectivos que, a través da risa e do clown, poidan loitar contra a “frustración, o odio indiscriminado e a depresión convertida en praga social" que padece o pobo palestino, conclúe o portavoz da asociación.

Máis información