Os certames escolares culturais da Biblioteca Francisco Mayán alcanzan os 7.000 traballos presentados

Marca-páxinas gañador do certame de Cee en 2007 Tremenda a participación nos certames da Biblioteca Pública Municipal “Francisco Mayán” do Concello de Cee, a pesar dos asuntos burocráticos que houbo que incluír este curso. Gran calidade nos xa míticos concursos de “Achegamento ao libro”, “Na procura do noso Cómic” e “En busca do noso Marcapáxinas”, e o xurado tivo que dirimir moito para escoller aos premiados. Uns Concursos que teñen como obxectivos fundamentais, fomentar a creación literaria, promocionar a lectura e facilitarlle aos nenos da nosa Comarca canles de expresión creativa na nosa lingua, para desta maneira contribuír a crear unha sociedade onde o libro e a lectura en lingua galega teñan un papel destacado entre a nosa xuventude. O número de obras presentadas aos diferentes concursos deste ano 2017 foron un total de 371 traballos. No XXVI Concurso Literario de achegamento ao libro participaron 37 rapaces de 1º e 2ª, 26 de 3º e 4º e 112 de 5º e 6º. No certame “Na procura do noso VI Cómic” presentáronse 22 propostas, polas 174 ao XIII Concurso “En busca do noso Marca-Páxinas”. E tomen nota, porque nos 26 anos de vida (1992-2017) destes certames contabilízanse a día de hoxe un total de 6.972 traballos presentados.

Gañadores

En todo caso, xa temos gañadores e este martes 16 de maio ás 18.00 horas terá lugar a entrega dos premios na Sala de Conferencias (3º andar – planta da Biblioteca Pública Municipal “Francisco Mayán”) da Casa da Cultura do Concello de Cee.

XXVI Concurso literario de ACHEGAMENTO AO LIBRO

• A obra gañadora do 1º e 2º Curso de Primaria foi: “O don de Mariña” de Martín García Alves, do C.E.I.P A Igrexa – Brens. Recibindo accésits as obras: - “O libro de aventuras esquecido” de Lucía Caamaño Cespón, do Colexio “Manuela Rial Mouzo” de Cee. - “O mundo das letras” de Mateo Trillo Piñeiro, do Colexio “Manuela Rial Mouzo” de Cee. - “De primeiro sopa de letras” de Sheila Eirín Moledo, do C.E.I.P. Virxe da Barca de Muxia. - “Adrián e o laberinto” de Irene Gónzalez Marcote, do Colexio “Eugenio López” de Cee.

 

•      A obra gañadora do 3º e 4º Curso de Primaria foi: “Un libro extravagante” de David Santabaya Paz, do Colexio “Eugenio López” de Cee. Recibindo accésits as obras: - “O carnet de Breogán” de Mateo Alves Estévez, do Colexio “Manuela Rial Mouzo” de Cee. - “ABC-DARIO” de Marta Andrade Fandiño, do C.E.I.P. de Vilarmide- Eduardo Noya  de Muxia.

 

• A  obra gañadora do 5º e 6º Curso  de Primaria foi: “A árbore triste” de Lucía Pose García, do C.E.I.P. de Vilarmide- Eduardo Noya de Muxía. Recibindo accésits as obras: - “A aventura de Xoán” de Carla Martínez Castreje, do Colexio “Eugenio López” de Cee. - “O mellor invento do mundo” de Diego Soto Riera, do Colexio “Manuela Rial Mouzo” de Cee.

 

CONCURSO “NA PROCURA DO NOSO VI CÓMIC”.

• A obra gañadora foi: “O pato lector” de Carla Martínez Castreje, do Colexio “Eugenio López” de Cee. Recibindo accésits as obras: - “Cen por cen” de Marina Calo Bujeiro, do Colexio “Eugenio López” de Cee. - “Ler é soñar…unha aventura” de Andrea López Lago, do Colexio “Eugenio López” de Cee.

XIII CONCURSO “EN BUSCA DO NOSO MARCA-PÁXINAS”.

• A obra gañadora foi: “Un neno que le será un adulto que pensa” de Rubén Caamaño Velo, do Colexio “Eugenio López” de Cee. Recibindo accésits as obras: - “Descubre o universo lendo”, de Laura Castiñeira Bustamante, do Colexio “Manuela Rial Mouzo” de Cee. - “Fonte de sabiduría” de Camilo Pablo Rodríguez Espasandín, do C.E.I.P. de Vilarmide – Eduardo Noya de Muxia. - “Enchoupate. Farache ben” de Iker Rodríguez Blanco, do C.E.I.P. de Vilarmide – Eduardo Noya de Muxia..

 

Novas relacionadas

• Febreiro 2017: A Biblioteca Francisco Mayán celebra 20 anos de certames literarios.
• Maio 2016: Máis de 400 rapaces achéganse á cultura cos certames da Biblioteca de Cee.
• Cee e Ponteceso expoñen as obras de Manuel María.
• A Biblioteca de Cee celebra o Día do Libro con Cervantes e Shakespeare.
• Cee difunde a obra de Rosalía de Castro.
• A nova Biblioteca da Casa da Cultura de Cee xa recibe usuarios.
• Premios 2014: Os certames de achegamento cultural da Biblioteca de Cee chegaron aos 5.000 traballos.
• Premios 2013: 436 obras marcan un fito no Concurso de Achegamento ao Libro do Concello de Cee.
• Premios 2011: Cee entregou os seus premios culturais aos escolares.
• Premios 2010: Cee premia os mellores cadros, relatos e marcapáxinas .

Fonte

• Redacción de QPC (info@quepasanacosta.com).