Rescatan unha nai que quedara pechada no balcón cunha nena no interior da vivenda
04 de novembro de 2020 (16:30 h.)
Este mediodía, arredor das 12:00h, os Bombeiros de Cee tiveron que acodir a unha vivenda en Cee para rescatar unha muller que quedara encerrada no balcón. Ademais, a súa nena de 2 anos estaba soa no interior.
Os Bombeiros accederon dende o piso de enfronte á terraza raseira da vivenda, e rompendo un cristal accederon ao interior da vivenda para abrir o balcón e tranquilizar a nena, e abrirlle a porta da terraza á nai.
Todo quedou nun susto.