Os usuarios de APEM mentalizan aos escolares sobre as enfermidades mentais
Directa, clara, sen rodeos. A nova campaña de sensibilización da familia de APEM Cee, "Mentalízate", está sendo todo un éxito en canto ao impacto se refire. Non están acostumada a rapazada a escoitar xentes como Luís Cores, usuario de APEM, explicando en primeira persoa as causas e factores de risco das enfermidades mentais. Ninguén coma el, capaz de falar en público e de captar toda a atención dos rapaces, para contalo.
Luís, coa axuda de varias profesionais da entidade, están levando a campaña ata o alumnado de 3º e 4º da ESO de varios centros de ensino como o CEIP Manuela Rial, o IES Agra Raíces, o IES FIn do Camiño, o CEIP Nosa Señora do Carme, o CEIP Mazaricos da Picota ou o IES Pedra da Aguia da Ponte do Porto.
Quédalles aínda recibir a senlleira visita aos rapaces e rapazas do IES Terra de Soneira e o IES Máximino Romero Lema, onde ademais aprenderán o traballo de APEM e a súa loita diaria na plena integración das persoas que sufren enfermedade mental. <