O temporal sacude á Costa cun falecido
- Última hora: Un home falecía en Mazaricos esta mañá de venres. O home, de 60 anos, aparecía nunha cuneta no lugar de Campelo, e barallan a posibilidade de que caese cando intentaba desaloxar a auga que amenazaba con entrar na vivenda.
Xa tivo consecuencias catastróficas na Piroga pero o temporal aínda non pasou. Ao longo do venres todo o litoral galego están en Alerta Laranxa e toda a Costa da Morte está seriamente afectada. Ademais, non marchará durante a fin de semana e se ben os colexios non suspenderon as clases, a Xunta si que anulou as actividades externas.
E temos un episodio semellante á “Cicloxénese explosiva”, que nos explicaba Mario Rodríguez. A borrasca situada ao oeste de Irlanda deixará ventos moi intensos e chuvias fortes principalmente na primeira metade do día. Tamén se agarda mar de fondo superando os 4 metros de altura, aumentando durante a xornada. E mañá… ondas de 7 metros na franxa atlántica…
O vento tamén se está deixando notar. En Vimianzo a estación metereolóxica de Meteogaliciarexistrou refachos de 120 km/h.
E vemos consecuencias das grandes chuvias, con estradas alagadas como a de Baíñas-A Piroga ao seu paso pola vila vimiancesa. E tamén o mar fixo extragos, como vemos as barcas do porto de Corcubión case que voaron durante a noite e acabaron esfoladas no areal de Santa Isabel.
Algunhas imaxes fermosas
Pero o temporal tamén trae cousas boas. Por primeira vez en 3 anos durante esta mañá de venres 14, puidemos disfrutar de todo o esplendor da Fervenza do Ézaro. As chuvias encheu o encoro de Santa Uxía e Ferroatlántica tivo que abrir as comportas e deixar que a fervenza flúa libremente, deixando un espectáculo incomprable.
Outra, a que puidemos ver en Fisterra esta mañá...
Máis información
- Podedes disfrutar dunhas impactantes imaxes de temporais en Costa da Morte Galicia.
Novas relacionadas
- Un accidente na Piroga se salda con dous feridos e a estrada AC-552 cortada.
- 16-10-12: O temporal atiza o vento e rompe muros.
- 26-10-12: Chegou o temporal.
- Temporal Novembro 2010: Máis imaxes do mar salvaxe na Costa da Morte durante o temporal.
- Temporal febreiro 2010: As primeiras imaxes do Xynthia na Costa da Morte.
- Estudio do Centro Fonteboa Na Costa da Morte chove máis dun tercio dos días.
- Ciencia e Tecnoloxía, con Mario Rodríguez Gómez: “Cicloxénese explosiva”.
Fonte
- Redacción de QPC (info@quepasanacosta.gal).
- EP: Encuentran el cadáver de un hombre en una cuneta en Mazaricos.
- La Voz de Galicia: Aparece muerto un hombre de 60 años en una cuneta en Mazaricos.
