Os aloxamentos de natureza, un valor á alza na Costa da Morte

Medran na Costa da Morte os aloxamentos na natureza, ideais para unha escapada de fin de semana. Eses novos establecimentos hostaleiros que te permiten vivir a natureza dende dentro, onde o principal plan é a tranquilidade. Despois das pioneiras Cabañitas do Bosque de Outes, foron moitos os emprendedores da comarca que se comezaron a fixar nesta nova onda turística.

Así, a día de hoxe na comarca temos unha gran oferta. Dos Nidos de Carnota, ás Cabanas de Barizo, pasando polas Cabanas de Air Fervenza, ou o Refuxio dos Cebreiros de Mazaricos; as Cabañas de Fisterra, as Cabanas de Lires, e ata as Cabanas da Torre de Laxe.

Tamén, lonxe da nosa comarca esta clase de establecimentos están á alza, e non está de máis unha escapada para disfrutar da experiencia nas Cabanas de Xarás, en Marín, ou ata as singulares estruturas do Glamping The Teepee e da Casa Otea, ambas en Ávila.