Íntegro reforza o programa de empregabilidade das mulleres con disCapacidade

PIMD rural integro Nos vindeiros meses, o Punto de Intervención para Mulleres con Diversidade Funcional - PIMD - Rural de Íntegro desenvolverá unha nova iniciativa centrada nas posibilidades persoais e profesionais das mulleres, sempre co obxectivo da inserción laboral. Con esta actividade, xunto cos cursos que se están a impartir este verán en varios concellos de Bergantiños, Íntegro reforza o seu programa de mellora da empregabilidade das mulleres con disCapacidade. O primeiro grupo traballará durante o mes de agosto - luns e xoves, de 10 a 13 horas - no centro de recursos de Íntegro, en Nantón, Cabana. En setembro crearanse grupos en Laxe, Malpica, Ponteceso e Cabana. Terán preferencia as mulleres con disCapacidade. Esta é un programa dirixido a mulleres do ámbito rural que busquen unha oportunidade laboral. Na formación abordarase como mellorar as habilidades oucomo sentirse máis capaz de enfrontarse a unha entrevista ou desenvolver unha idea profesional. Tamén se traballará a oferta e demanda de emprego na contorna, o currículum, o desenvolvemento de ideas e posibilidades de emprego, a busca directa e indirecta, o asesoramento en recursos… Os grupos de traballo serán reducidos, cun máximo de seis mulleres. As interesadas en participar poden obter información nos teléfonos 981 734 985, 650 961 649 ou no correo electrónico info@integro.es. Novas relacionadas

• Laxe súmase ao programa formativo para mulleres con disCapacidade de Integro
• Íntegro imparte cursos para mulleres con disCapacidade en Ponteceso e Malpica
• “Bicos de Amora”, a nova marca de xabóns de glicerina de Íntegro
• Íntegro forma a mulleres con diversidade funcional do rural costeiro
• Escolares do CEIP San Vicenzo de Vimianzo visitan as instalacións de Íntegro.
• Íntegro amplía o Punto de Intervención para Mulleres con Diversidade a varios concellos
• Un San Valentín doce e moi Íntegro
• Cogami interésase polo traballo da Asociación Íntegro.
• Íntegro avanza cara a Inclusión a base de experiencias persoais.
• Íntegro imparte en Malpica un curso de colocación de pladur e de pintura
• Íntegro recibe o apoio da Deputación da Coruña
• Íntegro prepara un completo programa para o Día da Inclusión
• Unha Carreira para integrar.
• Os discapacitados somos nós.
• 40 persoas con discapacidade insertáronse en Bergantiños a través de COGAMI.
• Íntegro normaliza a diferencia na Diversiescola de Carballo.
• 2014: Íntegro, Adisbismur, Ambas e Misela celebraron o Día da Inclusión en Ponteceso.
• 20 anos de integridade dende Cabana para toda a Costa da Morte.