A #AxendaCostadaMorte énchese de música

Achégase unha fin de semana na que a música será unha das principais protagonistas da #axenda da Costa da Morte. Dende a música de autor ata os estilos máis alternativos terán un espazo na oferta de ocio destes días que, segundo indican desde 4gotas.com, serán primaverais.

Concertos

• Dentro dos Venres Culturais esta noite chega ao pazo da Cultura de Carballo Peter Bruntnell, un artista de culto dentro e fóra de Gran Bretaña. A cita comeza ás 21 horas e ao custe da entrada ordinaria é de 3€. Soará principalmente Nos Da Comrade (2016), un álbum luminoso que sucede a outros traballo espléndidos: Normal for Bridgwater o Ghost in a Spitfire.
• No Curruncho Pop da biblioteca Rego da Balsa de Carballo soará mañá un compositor de referencia, o galego Víctor Coyote. A entrada é de balde e ademais os concertos comezan ás 20:30 horas para poder desfrutalos en familia.
• A asociación Amigos de los Perros de Carballo organizan mañá un concerto benéfico na sala Dublín para recadar cartos para axudar á entidade. O custe da entrada é de 5€ e o concerto comeza a partir das 22 horas. Tocarán, de forma desinteresada, os grupos Perfusión (percusión e danza tradicional africana), Crú (metal), Apart (indie-rock) e Kostra da Morte (punk).
• Recital poético-musical en Corcubión: O bar Tío Moncho acolle unha nova actuación do dúo Alex López & un Calquera. Os versos do primeiro e os acordes de Elías Outes servirán para disfrutar dunha velada emocionante. A cita é mañá ás 21 horas.
• Concerto en Baio. O dúo Víctor & Lolo tocan mañá á noite no bar Trébol de Baio.

Festas

• A parroquia xalleira de Alón celebra mañá as súas festas na honra de San Xosé cunha verbena amenizada pola orquesta París de Noia.

Teatro

• A casa da Cultura de Vimianzo acolle mañá unha nova sesión de teatro. Voaxa e Carmín - interpretada por Mabel Rivera e Belén Constenla - é unha proposta de teatro de actrices que parte dun texto que mestura o popular co contemporáneo cunha escenificación que nos amosa unha Compostela virtual. A función comeza ás 21:30 horas e o custe da entrada é de 5€ (3,5€ a reducida).
• O centro cultural de Muros acolle mañá sábado, ás 21:30 horas, a proxección da longametraxe Sicixia, rodada na Costa da Morte. O custe da entrada é de 3€.

Exposicións permanentes

• Castelo de Vimianzo. A fortaleza así como a súa mostra de artesanía ao vivo pódese visitar todos os días da semana en horario de 10:30 a 14 horas e de 16 a 19 horas.
• As Torres do Allo, en Zas, abren todos os sábados e domingos de 11 a 19 horas. Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas.
• No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.

Outras citas

• Charla sobre o Castelo do Príncipe. Victor Castiñeira, historiador e técnico de cultura do concello ceense, ofrece hoxe ás 20:30 horas na casa da Cultura de Cee unha charla sobre a importancia cultural da fortaleza. O evento está organizado pola Plataforma en defensa do Castelo do Príncipe.
• Allstar de Billarda en Laxe. A praia de Laxe acolle mañá a o Allstar-2017; unha competición que se enmarca dentro da Liga Nacional da Billarda. A cita arranca ás 12 horas co concurso de triplas e mates e despois dun xantar de irmandade disputarase o Aberto das Estrelas. O evento remata cun concerto da man de varios grupo da bisbarra.
• Mañá celebrarase a I andaina pola Igualdade en Santa Comba que arranca ás 11 horas da casa da Cultura da vila. Na clausura, haberá unha merenda e uns poemas da man de Dolores Blanco.
• Limpeza coído de Touriñán. Por terceiro ano consecutivo, voluntarias e voluntarias da asociación Mar de Fábula limparán o coído de Touriñán. A cita é mañá sábado e está previsto que todas aquelas que desexen participar neste Encontro co Mar se xunte ás 12 horas no faro de Touriñán.

Fonte

• Redacción QPC (info@quepasanacosta.com)