A pesca tomou a Laxe e Camariñas

As costas de Laxe e Camariñas viviron esta pasada fin de semana unha doble cita pesqueira. Curioso en todo caso a contraprogramación entre a Federación Galega de Pesca e a Asociación de Empresarios de Camariñas, que fixeron coincidir dúas probas o mesmo día.

Campionato Selectivo Mar-Costa en Laxe

A Federación Galega de Pesca artellaba este campionato galego clasificatorio para o español. Unha proba que ía disputarse en Fisterra pero o mal tempo obrigou a levala cara o norte. Así e todo, os lóstregos fixeron aparición tamén, malia que houbo momentos de calma.

Finalmente, Pilar Rey, da Barbanza, e Óscar Beceiro Ceves, na primeira manga, e Antonio Calvo Fernández, na segunda, foron os vencedores.

• Fgpesca: Clasificación Masculina do Campionato Selectivo Mar-Costa en Laxe.
• Fgpesca: Clasificación Feminina do Campionato Selectivo Mar-Costa en Laxe.

Campionato de pesca Cabo Vilán en Camariñas

Paralelamente en Camariñas tivo lugar a V edición do Campionato de pesca Cabo Vilán. Soamente se realizou a 1º manga pola mañá, a 2º pola tarde foi suspendida polas circunstancias adversas do tempo, sobre todo a tormenta e gran oleaxe, ademais do vento, choiva e pedroulos de granizo.

O premio a maior captura foi para o 2º clasificado, José Manuel Lema Lema. E o premio ó 1º clasificado de Camariñas foi para o 5º da xeral, Manuel Valiña Carril.

Os resultados foron os seguintes:

1º	Alberto Miguel Pinilla	Madrid
2ª	José Manuel Lema Lema	Ponte do Porto
3º	Roberto Piñeiro Parada	Muxía
4º	Alberto Iglesias García	Carballo
5º	Manuel Valiña Carril	Camariñas
6º	Andrés Seoane Brañas	A Coruña
7º	José Manuel Brea García	A Coruña

Novas relacionadas

• O Campionato de Pesca Submariña cede 350 kg de peixe a Cáritas.
• O Anllóns e o Xallas volveron comprobar a supremacía do clube de Pesca Salmo.
• O nordés aumentou a dificultade no Campionato de Pesca da Langosteira.

Fonte

• Redacción de QPC (info@quepasanacosta.gal).