As papeletas do Fútbol da Costa son vermellas e amarelas

Redacción

20 de decembro de 2015 (21:19 h.)

O Sofán puido co Malpica no derbi bergantiñán-Foto-SD

Xornada marcada pola actividade electoral. Pero no campo, despois de ir votar, esquécense as obrigas socias e toca darlle ao balón. En todo caso, a xornada deixou como protagonistas dúas cores: o vermello do Sofán, que vencía o derbi bergantiñán; e o amarelo do Mazaricos, que superaba a todo un San Lorenzo en Verdillo e se afianza no 3º posto, tralo cambio de líder da Liga da Costa.

Liga a Liga

Seguen as malas novas na Preferente. Dumbría e Xallas volveron perder e seguen en postos de descenso.

Non son tan malas as novas ds equipos costeiros da 1ª, pero houbo para todos. A atención centrábase no derbi bergantiñán, onde o Sofán daba conta dun Malpica que vai costa abaixo, e xa ocupa o posto de descenso do que sae o Corme, trala súa importantísima vitoria ante todo un Unión, un dos candidatos. Unha vitoria que demostra que a situación do Corme é transitoria e que o equipo subirá moitos postos.
Polo demais, a derrota do Soneira déixao sen liderado e a 3 do Cordeiro, que non perdoa. E na zona media, vitoria do Outes que co Sofán métense en zona “UEFA”, mentres o Baio empataba e segue en zona morna.

>Importante xornada na Liga da Costa, pois a derrota do Ponteceso en Coristanco provoca o cambio de líder. O Zas goleaba duramente ao Ameixenda e se pon 2 puntos por arriba de pontecesáns, e 4 sobre o Mazaricos. Precisamente é o cadro de Néstor o gran protagonista da xornada, pois vencía a todo un San Lorenzo, ao que supera e se confirma con auténtica alternativa ao ascenso. Outro dos que non teñen máis teito que o propio é o Fisterra, que endosaba un set ao Camariñas e queda a só 5 do liderado. Non fallou o Baíñas de Corredoira, pero si que o fixo o Castriz de Periscal, que parece un dos grandes dignificados da xornada tras caer ante un Cee que mira cara arriba.

Na 3ª Autonómica, descansaba o invicto Laxe, e o Corcubión aproveitou para abrir unha pequena fenda tras vencer, non sen sufrimento, en Vimianzo ante o Castrelo. O Montelouro segue firme aos dous de arriba e non sucumbíu ante o Camelle. Un pouco máis abaixo, Nantón e Lira reencontráronse ca vitoria (era de feito a primeira do cadro liracho).

Mala xornada de base

Xa na base, os Dumbrías das Ligas Galegas caeron, nunha fin de semana na que a nota destacada é a clasificación do Baio, endosando a primeira derrota do ano ao Ponteceso, á Liguilla Xuvenil dos mellores.

Cambio de líder dos Veteranos

Deixouse o At. MIlagrosa o liderado en San Andrés, onde caia ante o Zas e vía como San Lorenzo o supera e Dumbría o alcanza.

Ligas de FS

E xa sabedes, que en www.futboldacosta.com. tendes tamén actualizadas as Ligas de FS de Cee, Ponteceso-Corme, Malpica, Mazaricos e a Carballo (esta de parón invernal).