Este 31 de agosto e 1 de setembro temos nova cita co fútbol costeiro. Nunha fin de semana na que continúa a Preferente en marcha pero na que o protagonismo o levan os xuvenís, que estrean temporada.
De novo, e non entendemos por que non se pon de acordo o fútbol costeiro, contamos con 2 grupos de 10 e 11 equipos, unha liga extremadamente corta, unha posterior liguilla de campións, que a verdade si que é interesante, pero que provoca unha copa bastante desanxelada.
En todo caso, son moitas as incógnitas que se presentan. Con equipos renovados, moitos cambios nos bancos, os equipos comezana a temporada coa ilusión de subir á Liga Galega, unha posición que non temos dende o Cabana de hai 4 temporadas. Volverán ser os de sempre, Dumbría, XSC e Cee polo sur, e Cabana, Malpica, Baio e Ponteceso polo norte, os que máis posibilidades teñan de dar a campanada. Pero aínda queda moito e moito que analizar.
Iso si, son varias as novidades, pois temos 10 equipos no Sur, coa aparición do Lira e a desaparición do Corcubión a última hora, cos calendarios xa feitos, polo que descansarán dous equipos en cada xornada, mentres que no Norte haberá 11 equipos, onde aparecen Castriz e Porteño e desaparece o Zas.
