Case un quilo do primeiro reo campano da tempada de pesca na Ponte do Porto
Segue a Costa da Morte afianzándose un referente en materia de pesca de ríos. Despois do exitoso Open Río Xallas, co máis granado da pesca internacional, toca abrir os cotos da zona, como o da Ponte do Porto. E de que maneira, pois como nos conta o colectivo PX, foi Antonio Mira Vidal de Pasarela o que logrou pescar o primeiro reo da tempada no coto camariñán.
O coto porteño abarca 4 quilómetros, deles boa parte vedados, nas parroquias de Ponte do Porto e Carantoña, atravesando terreos dos municipios de Camariñas e Vimianzo. No coto pesqueiro de do río Grande do Porto a campaña de pesca fluvial iníciase cun mes de atraso con respecto á oficial debido á presenza de salmónidos. Na zona adóitanse capturar troita, reos e tamén robalizas. En xeral as capturas de troita e reo son aceptables pero os pescadores quéixanse de que hai moitos exemplares que non dan a talla legal.
Novas relacionadas
- O Río Xallas volveu convertir Dumbría nun referente internacional da pesca sen morte.
- O Río Xallas recibe ao máis granado da pesca sen morte internacional.
- O Anllóns e o Xallas volveron comprobar a supremacía do clube de Pesca Salmo.
- O Couto de Verdes do río Anllóns acolle unha nova exhibición do coruñés David Arcay.
- A Costa da Morte xa está no circuito de pesca de salmónidos.
- A pesca tomou a Laxe e Camariñas.
- O Campionato de Pesca Submariña cede 350 kg de peixe a Cáritas.
Fonte
- Colectivo PX.