Ferroatlántica celebrou o seu III Trofeo Interdepartamental

A empresa Ferroatlántica celebrou este fin de semana a súa III Trofeo Interdepartamental coa participación de noventa traballadores (máis do 30 por cento do persoal) nun ambiente de gran camaradería, deportividade e compañeirismo ao que tamén asistiu o seu director, Carlos Oliete, quen fixo entrega dos trofeos.

Un total de oito equipos, incluído un das empresas auxiliares, disputaron varios partidos no pavillón deportivo de Corcubión. A competición saldouse cun vencedor que, por terceiro ano consecutivo, resultou ser o equipo de Mantemento Cee. Tras un disputado partido contra o equipo de Administración, o resultado foi de 4-2.

Ademais, como sempre, fíxose entrega de varios trofeos por categorías: ao máximo goleador (Sebas, da empresa Intaneria), e ao porteiro menos goleado (José Carlos, de Mantemento Cee).

O terceiro equipo clasificado foi Fabricación Cee e o segundo, os traballadores do departamento de Administración.

Novas relacionadas

• Alumnos do Pindo visitaron a central do Ézaro e o Museo da Electricidade.
• A familia Aspadex disfrutou da súa festa do deporte.

Fonte

• Nota de prensa de Ferroatlántica.