Máis de 50 albumes completados entran no sorteo
Sabemos que moitos xa tendes o álbum completo pero que aínda non nos enviastes o voso nome e unha foto. Pois xa temos 50 persoas que nos confirmaron que remataron o álbum de cromos do Fütbol da Costa e xa optan á Play 3 que regala a Tenda Tien21 Electro-Chouza de Carnota.
Un álbum que une xeracións, pois como vemos en Corme, con máis 20 álbumes completados, dende os máis peques ata as avoas coleccionan os cromos da Costa.
E de Corme chegan, como dicimos, unha marea de álbumes completos, pero tamén de Dumbría, Lariño, Baio, Carballo, Sofán, Mazaricos, Vimianzo, Ponteceso, Fisterra, Cee, Outes...
Intercambios comarcal
E fantásticas son as historias que nos contan por aquí e acolá do intercambio a nivel comarcal. Ese Jorge Parri deixando en Carballo cromos para Gueli, ou ese Suso da Torriña indo ata Carballo a mercar máis cromos para os seus pequenos coleccionistas. Sen ir máis lonxe, a través da rede tamén se conseguiron acabar varios álbumes, e se non que llo pregunten a Vane Viña, do punto de venda Ave Paraíso, en Carballo, que conseguía o último cromo facendo esta chamada a través do FB!
Así que se sabedes que alguén ten o álbum completo, que nos envíe un correo cos seus datos e unha foto como estas a info@quepasanacosta.gal.
E a seguir collecionando!!.
Novas relacionadas
- Xa temos o primeiro Álbum completo.
- Os cromos da Costa, un estado de ánimo.
- O Photocall da Gala do Álbum dos Cromos da Costa.
- Gran Gala do Álbum de Cromos: Noite de Estrellas da Costa.
- Alberto Pose: Da ilusión que xeneran os cromos da Costa.
- Manuel Varela: A Costa do Fútbol.
O Album de cromos do #FutboldaCosta
Fonte
- Redacción de QPC (info@quepasanacosta.gal).