Un temporal de malas novas en forma de resultados arrasou cos equipos costeiros de Preferente e Primeira, agás no caso de Sofán e Outes
Cerqueda e Fisterra protagonizaron un partidazo en medio do temporal - Foto: UD Cerqueda
Non pudo comezar de xeito máis amargo o ano alén da Liga da Costa, onde apenas houbo resultados calificables de positivos. É o caso dunha Preferente Autonómica onde por primeira en moito tempo ningún dos representantes da zona perdeu… pero tampouco foi quen de sacar tres puntos. A vida segue igual para Xallas e Dumbría, inmersos nunha sorte de contrarreloxo coas xornadas e consigo mesmos, e no caso dos de O Conco, cun horizonte novo a propósito da chegada de Julián Ferreiro.
O tortazo sideral veu nunha Primeira Autonómica onde o motivo de orgullo Soneira levou un pau excesivo ante o Val do Ulla, nunha xornada na que as condicións exóxenas non axudaban, e que debe de quedar de lección para aprender. Axudou que o Outes fora quen de sacar un traballadísimo punto ante o Unión de Asados, que confirma a madurez dos de Roque. E tamén o gran papel dun crecente Sofán co Flavia. A recuperación do Corme ten chegado de xeito directamente proporcional á baixada dun Malpica que non é que non atope o camiño, senón que tampouco unha identidade no xogo.
Máis previsible e adiviiñable foi unha Liga da Costa onde os sete primeiros clasificados sacaron adianbte os seus partidos, e abriron unha brecha definitoria respecto ao seguinte pelotón. Os que máis sufriron foron Castriz e Fisterra, nas súas visitas a Cabana e Cerqueda. O partido de Xaviña resoltou emocionante, vibrante e con moitas alternativas en ambos lados. Por abaixo confírmase a escalada dun Volantes de Baño que da motivos para confiar na súa salvación. Máis abaixo, na Terceira Autonómica, as táboas entre aspirantes a campión, Corcubión e Laxe, non tiveron un puñetazo na mesa dun Louro que non pasou do empate en Muxía.
No que á base respecta, o Xuvenil de Lobelos e Leis recuperou a senda victoriosa ante a Residencia. Tres puntos que lle asentan na prata da categoría. Menos sorte houbo para o Cadete de Honra co Lugo.
As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
