A mellor canteira do Volei Praia do país xuntouse no Ézaro
29 de xullo de 2024 (13:49 h.)
Celebrouse esta fin de semana o Campeonato de España Sub19 de volei na Praia do Ézaro. O areal dumbriés ratifica así a súa importante vinculación no circuito do volei estatal de primeiro nivel, e viu como case 200 participantes gozaron e fixeron gozar a veciños e visitantes. 64 equipos chegados de toda España, acompañados dos equipos técnicos e tamén das súas familias, encheron a cormarca de deporte e de vida.
Foron 3 días de intensos partidos, deixando como campións equipos da Comunidade Valenciana, Cataluña, Madrid, Murcia ou Baleares. Tamén os 3 equipos dumbrieses fixeron os seus pinitos e competiron cos mellores do estado.
Queda así o ambiente caldeado para a Festa da Praia do Ézaro, cuio programa repasaremos estes días.