Fisterra forma cociñeiros e hostaleiros

Esta semana finalizou o curso "Operacións básicas de cociña", organizado polo Concello de Fisterra e subvencionado pola Consellería de Traballo e Benestar, dentro da programación de accións formativas dirixidas a persoas desempregadas.

Nesta actividade formativa participaron un total de 15 alumnos, procedentes do desemprego, que ao longo de case 4 meses (380 horas) adquiriron unha cualificación profesional na rama de hostalería, con vistas a unha futura incorporación ao mercado de traballo nun dos sectores con máis demanda da comarca.

Obradoiro de centro de Nadal

Ademais, o Departamento de Cultura do Concello de Fisterra informa que, dentro do programa de Nadal, está previsto realizar dous talleres de elaboración dun centro de mesa navideño. Cada veciño elaborará o seu propio centro de mesa de nadal, o cal adornará a súa mesa nestas datas tan especiais. Dito taller realizaráse na casa cultural de Sardiñeiro o día 10 de decembro ás 17:30 horas e no salón de actos de Fisterra o día 18 do mesmo mes e a mesma hora. Destinado para maiores de 16 anos, tendo que inscribirse antes do día 9 ,para o de sardiñeiro, e antes do día 15 para o taller de Fisterra. Todas aquelas persoas interesadas poderán facelo no teléfono 981.74.00.01, ext 1, Departamento de Cultura, ou a través do correo electrónico culturafisterra@hotmail.com, aportando nome e apelidos e un teléfono de contacto.

Novas relacionadas

• Un Nadal cheo de teatro en Fisterra.
• Un cento de establecementos participarán nas xornadas Cómete o mar.

FOnte

• Concello de Fisterra