O Concello de Fisterra presenta o seu programa cultural para este nadal. Xa nos fixeron un adianto do intenso programa cultural e hoxe descubrómolo polo miudo. Exposición Elas Fan Camiño Un programa completado durante todo o mes de decembro pola exposición de fotografía que loce no faro de Fisterra: a exposición Elas fan Camiño, que rende homenaxe ás mulleres peregrinas e a todas aquelas que participaron na conservación e na promoción do Camiño de Santiago ao longo da historia. A mostra, promovida pola Secretaría Xeral dá Igualdade, fai repaso desde o principio da peregrinación en Galicia ata a actualidade. Nos paneis recóllense moitos exemplos como o de Exeria, a primeira peregrina galega coñecida, que deixou testemuño das súas vivencias; e Egilo, muller do conde Gatón, que fundou o hospital no lugar que hoxe leva o seu nome, Hospital da Condesa. A exposición está aberta no seguinte Horario: de 11:00h a 14:30h e de 15:30h a 18:30h.

Programa

As actividades comezan o venres 10 de decembro cun taller de elaboración de centros de mesa de Nadal na casa da Cultural de Sardiñeiro. Este taller repetirase o sábado 18. O propio sábado 11 toca teatro na casa da cultura de Sardiñeiro. "Teatro del Andamio" trae "A verdadeira historia dos 3 porquiños" a partir das 19:00h. O domingo 12 toca de novo teatro dos Bolechas na Lonxa de Fisterra (fermosa está a Lonxa coma un teatro) con Caramuxo Teatro, a partir das 19:00h. Para a semana seguinte, o domingo 19 de decembro toca contos mariñeiros, con Teatro Ghazafellos, desta volta ás 19:00h na Lonxa. O venres 24, o día de noiteboa, celebrarase co Belén vivinte cantando panxoliñas pola vila, dende as18:30h. A partir das 19:30h Papa Noel visitará a praza da Constitución (se chove no Salón de Actos do Concello). A resaca navideña celebrarase o domingo 26 cunha boa Festa de Nadal no Pavillón a partir das 1800h, onde haberá bailes, xogos.... E o programa remata o 5 de xaneiro coa visita dos Reis Magos. Pola mañá irán polas aldeas e pola tarde comezarán ás 16:30h en Sardiñeiro e continuarán ata o centro da vila.

Novas relacionadas

• A Lonxa de Fisterra convertiuse nun fermoso teatro.
• O Concello de Fisterra prepara unha morea de actividades culturais ata o Nadal.
• Fisterra volve unirse a través do poemas de María José Lago Traba.
• O Soliloquio de Susana Alvite: Limpando conciencias.

Fonte

• Redacción de QPC (info@quepasanacosta.gal).