Mar de Fábula invita a unha nova limpeza na praia de Mar de Fóra
16 de abril de 2026 (13:49 h.)
A familia de Mar de Fábula convoca unha nova limpeza, desta volta na praia de Mar de Fóra, un dos puntos naturais por excelencia do Concello de Fisterra.
A cita é este sábado, 18 de abril, con quedada ás 11.00 horas. Ao non haber aparcamento, a organización agardará no medio do areal.
A efectos de cobertura de seguros é necesario anotarse con nome, apelidos e DNI (antes das 20.00 horas do venres, 17 de abril), no correo electrónico info@mardefabula.gal ou no teléfono 660242118.
Dende a asociación, levarán todo o material necesario para acometer esta limpeza.