O fisterrán Modesto Fraga gana o certame literario de Vilalba 2015
Segue en fantástico estado de saúde a literatura costeira. Desta volta, o poeta fisterrán Modesto Fraga vén de recibir a boa nova de que o xurado do XLI Certame Literario do Concello de Vilalba, presidido por Darío Villanueva (Director da RAE), acordou conceder por unanimidade o premio da presente edición ao seu libro de sonetos “Adagio por outono”.
Sen dúbida, o gran premio é a publicación do libro, pero tampouco está mal a dotación de 3.000€, flor natural e diploma, que outorga o Concello lucense polo San Ramón. Un certame literario que goza dun grande prestixio no ámbito das nosas Letras pois é o Decano da poesía galega, con 41 edicións xa convocadas.
“Adagio por outono” consta de 35 sonetos divididos en catro partes: “Sinfonía do corpo”, “Pórtico”, “Ao modo do Dolce Stil Nuovo” e “Adagio ma non troppo”. O libro sairá publicado o ano que vén na editorial Alvarellos, despois da publicación, non hai moito dos seus Unha triunfadora na súa terra
