Asturies, patria querida

A resistencia e ascenso do Boiro en Mieres salva ao Outes en Primeira Autonómica e ao Coristanco na Liga da Costa; o Zas salvou os mobles no seu debut na promoción e a Copa deixou partidazos en Fisterra en Vimianzo

A familia do Outes estivo pendente da Liga das Cidades da TVG2 para celebrar o ascenso do Boiro e así a súa permanencia

De punta a punta da Costa da Morte escoitouse un berrido de suspiro. Comezou en Coristanco e acabou na Serra de Outes, pegadiño ao Barbanza, onde residía o motivo de tanta alegría. O histórico ascenso do Club Deportivo Boiro a Segunda División B, tras resistir en Mieres ante o Caudal, provoca un regueiro de salvacións en cadea, que afecta positivamente ao Outes, e por ende ao Coristanco. Houbo reunión familiar no Cunchido para seguir e apoiar aos de José Luis Lemos, que xa deixaran o traballo medio feito na casa, onde venceran por 2-0. Confírmase un novo paso adiante do proxecto longopraciano de Manu de Roque, esta vez ao asentar a categoría no debut na mesma. Pola súa banda, o Coristanco, que pecara en exceso de irregular, respira por fin. Agora, se o Sporting Zas acada o éxito na liguilla a Primeira será o Porteño o que viva unha sorte semellante. Polo de agora, os de Víctor Pazos salvaron xa un match ball ante o Bastavales, que se adiantara por 0-2 en San Andrés. Dous encontros en vintecatro horas fixeron mella no equipo costeiro, que aínda así sacou forzas de dentro e tirou de orgullo.

Choque da Copa da Costa entre Soneira e Baio-Fofo-SD A Copa da Costa asumía tamén o protagonismo esta fin de semana, sobre todo con dúas frontes que non defraudaron. En Vimianzo, o terceiro derbi do curso entre Soneira e Club Deportivo Baio deixou claro outra vez que a realidade do resto do ano pouco inflúe no cruce de veciños. Marcaron pronto os visitantes, que sorprenderon coa súa frescura, e obrigaron a unha non menos meritoria remontada branca. Promete e moito o partido de Platas Reinoso. E para tolos, e amantes do fútbol de seda, foi o Fisterra-Xallas de Ara Solis. Adrián, bigoleador esta vez, atopou un rival dunha categoría máis acorde coa súa clase, e entre el e Bruno remontaron ante un campo entregado. Sen embargo, e co tempo cumprido, unha serie de rexeites deixaron unhas táboas que invitan a pensar noutra volta para babear. O Mazaricos, pola súa banda, levou o cruce de 'tapados' ante o Corcubión, ao que xa se lle fai moi longa a tempada. E na previa o Zas deixara xa encarrilado a o seu cuarto de final ante o Cerqueda, que chegou xusto de efectivos.

Na base, despois de analizar a tempada dos Dumbrías das Ligas Autonómicas, continúan dúas frontes abertas. Por un lado as Copas, xa en semifinais; e polo outro as Fases de Ascenso á Ligas Galegas, nas que só quedan o Xallas xuvenil e o Dumbría infantil con posibilidades de ascenso. Aínda terán que superar dúas eliminatorias máis.

Tremenda ademais a eliminatoria de Oitavos na Copa da Costa de Veteranos, quedando polo camiño favoritos como o Dumbría ou o Zas, a mans do Coristanco e do Soneira.

 

CopadaCosta, Volta dos Oitavos

 

FasedeAscenso á 1ª Autonómica, xornada 2

Sempre en www.copadacosta.com  

FasesdeAscenso ás Ligas Galegas Xuvenil, Cadete e Infantil

As Fases de Ascenso sempre en www.copadacosta.com  

CopadaCosta Cadete, Volta dos Otavos

 

CopadaCosta Infantil, Volta dos Cuartos

 

CopadaCosta dos Veteranos, Volta dos Oitavos

 

Novas relacionadas

• Mazaricos acollerá a III Gala do Fútbol da Costa-QPC.

Novas relacionadas

• Marcos Molk: “Deporte, formación e Carballo. DIMOLK tiña que apoiar o Congreso de Fútbol”:
• Presentación oficial: Carballo, capital do fútbol branquiazul e nacional.
• QPC e Fútbol Táctico traen primeiras espadas ao I Congreso de Fútbol Concello de Carballo.

Novas relacionadas

• Crónica do ascenso á Preferente do Sofán: 1ª Autonómica: Pelotas de aceiro e de Preferente.
• Crónica da Permanencia do Xallas: Preferente: Querido Santa Claus….
• Adrián Makaay, segundo máximo goleador da historia do Fútbol da Costa.
• O Fútbol Base foi protagonista en Cabana, Outes, Cee e Santa Comba.
• Basti e Makaay, Insua e Bugy, pichichis e Zamoras das Ligas da Costa.
• 4 equipos seguen pendentes dos arrastres.
• 3ª Autonómica: Os penaltis devolven ao Corcubión á Liga da Costa.
• Copa da Costa Xuvenil: O Xallas, gran campión.
• Artigo de Guillermo Parga do título do Fisterra: Vanse poñer de punta ata os pelos dos Rapacollóns.
• Artigo de Guillermo Parga do ascenso do Soneira: Nunca agardei menos de ti.
• Noé e Geiko, os premios Zamora e Pichichi da 3ª da Costa.
• Rikísimo ascenso do Montelouro.
• O Laxe é novo equipo da 2ª Autonómica!.

Máis información

• Os cadros da Copa da Costa 2016 e das Fases de Ascenso en www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga (guillermoparga@quepasanacosta.com)