FF: A canonazos

Choque das Miudas contra o Union-Foto-Chema Caamaño Nova xornada para as nosas bravas futboleiras carballesas e muradáns, que seguen en zonas cómodas nesta temporada. Non foron os mellores resultados pero as nosas demostran que seguen competindo con todas as rivais. Mentres, as Miúdas seguen preparando o seu emotivo Día da Nai.  

2ª División, Grupo 2, xornada 16

• Resultado: Os Miúdos - Unión (1-1)
• As Miúdas: Julia, Paula, Gala, Isa, Martina, Leti, María, Bárabara, Marta, Eva e María Dosil. Entraron: Sara Cubelo, Yaiza, Iria, Lucía e Irea.
• Goles: 0-1, m.50; 1-1, m.60: Gala.

Gala marcou outro golazo cas Miudas-Foto-Chema Caamaño Chegaban as do Unión empatadas a 27 puntos coas costeiras ó Eleuterio Balayo no que se presumía un duelo de igual a igual, e non defraudaron. O xogo desenvolvíase na parcela central con dúas defensas ben plantadas coas Miúdas ententando entrar combinando e as de Rianxo tentaban buscar ás costas das zagueiras locales. A mellor ocasión da 1ª parte foi para as de Muros, que entraron combinando por medio de Leti e Eva e o remate final coa presión da defensa de Rianxo enriba acabaría co balón petando no longueiro. Moito músculo e pouco xogo, moita defensa e pouco ataque nos restantes minutos do primeiro tempo, ademais dunha xogada de fóra de xogo algo discutida. Nada máis comezar a segunda, e na súa primeira aproximación á meta local, o Unión adiantábase. O gol espoleou ás Miúdas, que pronto empataba Gala cun canonazo por riba da meta visitante. Tivo ocasións para levar o partido o equipo muradán, con varias chegadas de Bárbara, pero tamén o Asados inquedou a unha fenonemal Julia. [video width="320" height="576" mp4="/media/quepasanacosta/files/2018/03/20/Gol-de-Gala-para-as-Miudas.mp4"][/video] Un merecido empate para dous equipos de bravas, que non se viu empañado pola discutida actuación arbitral, que acusan dende os banquiños de exceso de protagonismo ata o punto de obrigar a expulsar a unha gaviota do terreo de xogo. A Miuda María Dosil ante o Union-Foto-Chema Caamaño  

2ª División, Grupo 1, xornada 20

• Resultado: Bergantiños - Orzán (0-3)
• Bergantiños: Lucía, Rabuñal (Eva, m.70), Sabrina, Seo, Paula, Alejandra (Canosa, m.46), Torrado (Cambón, m.74), Noe, Lorena, Tamara ( Lydia, m.81), Isa.

A pesar do que reflicte o resultado, o marcador foi bastante axustado ata o minuto 70. As carballesas saíron ben arroupadas en defensa e sen deixar despregar o xogo ofensivo das coruñesas. Na primeira parte, sobre todo os primeiros minutos eran de tenteo, sen ningunha ocasión clara, pero no minuto 13 da primeira parte Isa tivo unha ocasión clara para o Bergantiños nun man a man coa porteira rival, que se foi fóra por pouco. Pouco antes as visitantes fallaban un penalti, e despois cun disparo desde fóra do área, marcaron o primeiro gol de partido e puxeron o 0-1 no marcador e asi chegouse ao descanso. Trala reanudación as carballesas adiantaron filas e saíron a presionar máis arriba. De novo Isa tivo outra boa ocasión, nun man a man coa porteira visitante, para empatar o partido, pero non a puido aproveitar e o Orzán seguiu movendo o balón sen problemas. Nun centro ao área no minuto 70 Lucía Lorenzo puxo o 0-2 no marcador e dous minutos despois, de novo Lucía, no minuto 72 facía o 0-3 ao aproveitar outro centro ao área. Despois do terceiro gol visitante as carballesas tiveron algunha ocasión para maquillar o resultado pero non o conseguiron por unhas boas intervencións da porteira visitante e con ese resultado chegar ao final do partido.  

Crónicas da tempada do Fútbol Feminino

• O temporal puxérono as xogadoras do Bergantiños e das Miúdas.
• Loita na zona morna.
• Doble 3-0 e para casa.
• Sufrindo na adversidade.
• Peche a unha máis que satisfactoria primeira volta.
• A calidade esteirá.
• Sextas.
• Instaladas na zona morna da táboa.
• A primeira vitoria visitante das Miúdas dalles opcións a soñar.
• Partidazos con pouco premio.
• As Miúd@s xa saben golear.
• Vitoria moral das Guerreiras da Costa da Morte ante as líderes do Aguiño.
• As Miúd@s xa saben gañar.
• As Miúd@s e o Bergan comezaron a súa campaña na 2ª División Feminina.

Novas relacionadas

• De tal Nai, tal Miúda.
• As Seleccións Coruñesas e Galegas, cheas de xogadoras costeiras.
• Tati, unha peza imprescindible na Selección Galega sub-18.
• Laura Torrado e Marta Calvo participaron coa Selección Coruñesa no Campionato Galego.
• Marta Calvo: Igualdade no Fútbol da Costa.
• O Eleuterio Balayo acolleu a estra das Miúdas na Festa dao Fútbol Feminino da Costa da Morte.
• 21 rapazas xa forman a familia das Miúdas amadriñada por Susú Cores e Vero Boquete.
• Arrincou con esperanza o proxecto dos equipo feminino dos Miúdos.
• Os Miúdos lanza a súa aposta polo Fútbol Feminino.
• O Combinado Feminino do Fútbol da Costa debutou en Buño.

Máis novas

• Gran ambienta na estrea oficial da “Amarela”, a Selección da Costa Sub-15.

Fonte

• Redacción de QPC (info@quepasanacosta.com).