Xa está activa www.futboldacosta.com cos calendarios da Preferente e a 1ª Galicia
Os primeiros calendarios da tempada 23/24 xa están activos na nosa plataforma www.futboldacosta.com. Xa podes engadilos á túa pantalla de inicio do móbil para seguir os carruseles do noso deporte.
Traemos ademais os calendarios competicionais que afectan a 6 dos nosos equipos nas dúas categorías.
Preferente
O Sofán vivirá unha complexa competición de 18 equipos que arrinca o 10 de setembro, no Carral ante o San Tirso, e remata o 19 de maio.
Hai 2 ascenso directos e 3 descensos.
1ª Galicia
Fisterra, Dumbría, Baio, Esteirana e San Lorenzo arrincan na mesma data, o 10 de setembro. Ollo ao comezo da Esteirana que visitará a primeira xornada o Conco, recibe na segunda ao Fisterra e visita Verdillo na 3ª.
Todo nunha Liga que terá 1 ascenso directo, 2 postos de promoción de ascenso, e 3 descensos directos, sen contar cos arrastres.