O Xallas completa unhas poderosas semifinais da Copa da Costa

Inxusto final de temporada para este Muxía. No Conco tivo que xogar os seus últimos partidos por mor da coincidencia entre competicións, o que lle obrigou a disputar a Copa en horario nocturno entre semana fóra do seu feudo.

Non puido con todo un Xallas, que completa un cadro espectacular de semifinais, cun Sofán-Sofán e un Baio-Dumbría.

Muxía - Xallas (1-3)

• Muxía: Joselu, Anxo, Michael, Congui, Gusa, Alex, Iago Muíño, Isma Márquez, Kevin, Mauro, Fran Moreira. Tamén: Ángel, Javi Vilela, Manu Nogueira, Darío e Xan Nogueira.
• Xallas: Iván Couto, Aitor, Caneda, Brais, Xan Caridad, Samuel, Colón, Doro, Capelo, Carlos Rieiro e Juan de Celia. Tamén: Íker, Diego, Becerra, Sergio Barbeira e Angel Cuns.
• Goles: 0-1, m.8: Xan Caridad; 0-2, m.20: Juan de Celia; 0-3, m.60: Capelo aproveita un fermoso pase atrás de Juan de Celia; 1-3, m.70: Manu Nogueira.

Con grandes baixas chegaba o Muxía ao seu exilio. Saíron moi enchufados os xalleiros, que se meteron 0-2 moi pronto e non sufriron na primeira metsade.

A segunda metade foi un ida e volta, moito máis igualado. Co fermosísimo 0-3 (un pase atrás de Juan de Celia para Capelo dos que non se soen ver nestas categorías) parecía que o partido morría, pero un gran tanto de Manu Nogueira deixaba o partido algo aberto. Así e todo, o partido iría morrendo.

Os muxiáns protestaron a actuación arbitral, sendo expulsados o adestrador Diego Lobelos e Ángel Esperante estando no banco na primeira metade; e Michael Vilela no ecuador da segunda metade xa tamén no banco.

Os xalleiros pensan xa no Sofán, pero sofren varias lesións pequenas musculares de Doro e Diego.

Curioso o feito de que o último partido dos Leis e Lobelos co cadro muxián deuse no Conco….