As San Silvestres de Baio e Malpica, e o Brinde Leiteiro coa MZ, as citas máis singulares para despedir 2017
Non se puido completar o tridente de divertidas San Silvestres costeiras para despedir o 2017, pois Mazaricos tivo que suspender a súa polas inclemencias meteorolóxicas, e a cousa quedou nun fantástico Brinde Leiteiro, xa convertido en tradición.
Pero por Malpica e Baio si que disfrutaron da simpática carreira popular que serve para pechar un ano deportivo.
En Malpica
Por Bergantiños, a AC Malante xa marca como data fixa esta San Silvestre Malpicana, exclusiva para valentes. Pasárono de medo os participantes de todas as idades.
En Baio
Pola comarca de Soneira xa era a X Milla de Baio, e a decana das San Silvestres costeiras non defraudou. Aínda que o deportivo era o de menos (participaron 40 maiores e 17 pequenos), en maiores venceu Martín Regueira, en mulleres Teresa Castro, e nos pequenos, Lucas Mira.
Novas relacionadas
- 2016: Baio, Malpica e Mazaricos despediron o ano gozando da diversión das súas San Silvestres.
- 2014: Batman, papás noel, aviadores, animais, e selfies na San Silvestre de Baio.
- 2012: A San Silvestre disfrazada de Baio.
Fonte
- Redacción de QPC (info@quepasanacosta.com).