Mazaricos viviu unha divertida festa de Entroido
Varios centos de veciñas e veciños mazaricáns participaron este saábado no Festival de Entroido de Mazaricos no recinto feiral. Unha tarde pensada para que a rapazada do concello se divertise e lucise os seus mellores disfraces.
O concurso de disfraces foi todo un éxito, con case 70 nenas e nenos participantes. En total repartíronse sete premios: tres en categoría individual, tres por parellas e un para comparsas. Ademais dos inchables e do obradoiro de máscaras, os asistentes puideron compartir unha estupenda chocolatada con doces típicos de Entroido, non faltando as filloas nin as orellas.
Xogos tradicionais
Paralelamente celebrouse o II Torneo de Iniciación á Billarda onde se deron cita afeccionados de todas as idades para redescubrir este deporte tradicional.