Conexión Pingüín encherá de risas o auditorio muradán
27 de outubro de 2022 (07:37 h.)
Continúa a programación cultural do Auditorio do Centro Cultural de Muros e faino este sábado 29 de outubro, ás 21:00 h, coa obra da compañía Culturactiva “Conexión Pingüín”
A obra, interpretada polos coñecidos Luís Iglesia e Marcos Orsi, trata o tema da "incomunicación na era da comunicación" dun xeito moi divertido.
Esta representación está incluída na Rede Galega de Teatros e Auditorios da AGADIC e as entradas, ao prezo de 3,50 €, xa poden ser reservadas nas oficinas do centro cultural, no teléfono 981762294, no correo cultura@muros.es ou neste formulario.