O 20 aniversario do Muros Mira ao Mar xa ten datas
Xa temos data para as XX Xornadas de Cultura Mariñeira ‘Muros Mira ao Mar’. A comisión organizadora aprobou a elección da data de celebración para a fin de semana dos 4, 5 e 6 de xullo de 2025
Será de novo unha fin de semana chea de actividades culturais e tradición mariñeira, nesta festa xa consolidada na comarca, na que o pobo de Muros é o principal protagonista, dándolle cor á vila, e convertindo a celebración nun atractivo e nun motor económico.
O concello recoñece e agradece “a implicación do tecido asociativo local e da veciñanza, encargada o ano pasado de ambientar as rúas e prazas de Muros”.
Nas vindeiras datas, farán pública a temática destas xornadas, as bases para participar no mercado mariñeiro e ofertarase aos centros de ensino a posibilidade de participar no concurso anual para elixir o cartel do evento.