Estas son as as persoas recoñecidas na Gala do Deporte do Concello de Muros

Que ben funcionan estas citas nas que os protagonistas son os propios veciños e veciñas. Muros celebraba esta fin de semana a súa Gala do Deporte, cun gran impacto social.

A alcaldesa, María Lago, destacou que o deporte é sinónimo de “saúde, igualdade de oportunidades e cohesión social”, destacando ademais a importancia do deporte local “para fomentar o sentimento de pertenza”.

A lista de persoas gañadoras é a seguinte:

• Deportista feminina: Alejandra Formoso (atletismo)
• Deportista masculino: Víctor Ramos (atletismo)
• Mellor club: URME de remo
• Promesa feminina: Eva Formoso (trail running)
• Promesa masculina: Jesús García (trail running)
• Mellor evento: Trail Cova da Bruxa
• Especial Veciñanza: Víctor Ramos (atletismo)

Ademais, a Gala tivo Mencións especiais para Félix Rebollido (Trail Cova da Bruxa), Ricardo Rodríguez, pola súa trayectoria vinculada ao fútbol de Muros, e Juan Manuel París, fundador do Club de Remo Muros. E un recoñecemento especial do concello a Eva Val (remeira).