Muxía abre o prazo para solicitar a bonificación do IBI

O Concello de Muxía abre o prazo, ata o 25 de novembro, para que as persoas interesadas poidan, de acordo co establecido na ordenanza en vigor, solicitar bonificación do 95% da cota íntegra do Imposto de Bens Inmobles para aquelas “construcións nas que desenvolvan total e exclusivamente actividades agrarias, gandeiras ou pesqueiras pertencentes ao sector primario”.

Xunto coa solicitude, que se deberá presentar no Rexistro, deberán presentar a seguinte documentación:

• Certificado de Facenda no que conste a situación censal do solicitante.
• Acreditación da titularidade catastral do inmoble.
• Certificado de non ter débedas con Facenda (estatal, autonómica e local.
• Xustificante de recoñecemento da explotación ou licenza da actividade correspondente.

Novas relacionadas

• As Palilleiras volven xuntarse en Vimianzo:
• Muxía e Dumbría únense para promover a igualdade.

Fonte

• Concello de Muxía.