A barcelonista Lúa Arufe fixo de madriña da Gala do Deporte de Outes
O O Concello de Outes celebrou este sábado 20, no emblemático Pazo do Tambre, a terceira edición da súa Gala do Deporte, un evento que reuniu a preto de 300 persoas vinculadas ao tecido deportivo, social e institucional do municipio.
A velada, presentada por Pablo Ríos por terceiro ano consecutivo, consolidouse como unha cita de referencia para recoñecer o talento, o esforzo e a traxectoria dos deportistas outenses. Recepción institucional e apertura da gala
A madriña da gala foi a futbolista Lúa Arufe Calo (Porto do Son), xogadora do FC Barcelona, que regresaba de París tras facer o seu debut na UEFA Women’s Champions League o pasado mércores.
Premios e recoñecementos 2025
A partir das 20:00 horas deu comezo a entrega de galardóns, que distinguiu ás persoas e entidades máis destacadas do deporte local durante o último ano. Os premiados foron:
1. Mellor Deportista Outense 2025:
- Masculino: Sergio Añón, boxeador do SKT Fighters (finalistas: Pablo Gandarela, Hugo Seoane e Sergio Añón)
- Feminino: Rosa Outeiro, da Escola de Piragüismo Triatlón Outes (finalistas: María Cao e Rosa Outeiro)
2. Mellor Deportista Promesa
- Diego Castelo (finalistas: Brais Liñayo, Gabriel Amado e Diego Castelo)
3. Mellor Adestrador/a
- Pepe Saborido – Escola de Piragüismo e Triatlón Outes
4. Equipo Outense Destacado
- Veteranos do Club Baloncesto Outes (finalistas: Veteranos CB Outes, Infantís EPT Outes, Premini CB Outes)
5. Mellor Club, Asociación ou Entidade Deportiva
- Escola de Piragüismo e Triatlón Outes (EPT Outes) (finalistas: Club Atletismo Outes, A Riola Futbolín, EPT Outes)
6. Premio ao Patrocinio e Colaboración co Deporte
- Restaurante Pepe do Coxo – O Freixo, Outes
7. Evento Deportivo do Ano
- Master Nacional de Futbolín A Riola (finalistas: Trail de Outes, Regata Deputación de Piragüismo, Master A Riola)
8. Mencións Especiais – Toda unha vida adicada ao deporte
- José Manuel Fernández “Mirás”
- Domingo Suárez Vilariño “Balón”
A gala contou coa actuación dunha representación da Escola de Música Municipal, dirixida por Manuel Blanco Dosil, que puxo o toque artístico á velada.
Máis novas