O BNG ratifica o seu rexeitamento ao parque eólico no Monte das Salgueiras

Por iniciativa da “Rede Galega por un Rural Vivo”, Ana Miranda, Daniel Pérez e Luis Bará, e Lucía Veciño, representantes do BNG no Parlamento Europeo, no Galego e na comitiva local, respectivamente, achegáronse á casa veciñal de Corme Aldea para analizar o proxecto do parque eólico Salgueiras (que afecta aos concellos de Ponteceso, Cabana de Bergantiños e Malpica) e a repotenciación do parque eólico de Corme.

As xentes da zona incidiron na importancia do monte Salgueiras coma un legado cultural e paisaxistico, e analizaron o forte impacto que están soportando as aldeas do país coa implantación masiva de parques eólicos. A veciñanza da zona trasladoulle a “falta de participación no proceso eólico,o abusivos que son os proxectos eólicos e o desamparo da veciñanza ante as institucions públicas, Concelo e Xunta.”

O BNG escoitou as demandas e ratificou que reixeta o proxecto por “non respectar o medio ambiente, coa paisaxe e coas persoas, en tanto que o proxecto de eólico sitúase no estuario do río Anllóns, recoñecido como Monumento Natural dentro da Rede Galega de Espazos Protexidos”. “Desde o BNG sabemos que a enerxía é un elemento estratéxico para impulsar o desenvolvemento económico de Galiza e que somos produtores e exportadores dela. Por iso defendemos unha enerxía limpa e renovábel que sexa respectuosa co medio, coa paisaxe e coas persoas”, subliñaron.

Destacan a necesariaprotección das brañas de Gondomil ata a praia de Valarés, e como non, do Monte Branco. “En numerosas ocasións denunciamos o mantemento das antenas de televisión no seu cumio, polo que agora aínda entendemos menos a instalación de 6 aeroxeradores nesta zona”, sinala ao respecto Lucía Vecino.

Ornitoloxía

Lembran ademais que se trata dunha zona fundamental para o avistamento de aves no noroeste peninsular, que se verán afectadas coa instalación dos aeroxeradores. “Desde a instalación do parque de Corme xa se constatou un cambio na súa traxectoria e son numerosas as que todos días impactan contra as aspas”, alertan desde o Bloque local.

Novas sobre os eólicos

• Ofrecen un modelo para presentar alegacións para pedir a inaplicación do Plan Sectorial Eólico de Galicia.
• “Aldeas con horizonte”: Manifesto por unha moratoria a novos parques eólicos.
• “O parque eólico Salgueiras é ilegal que cada representante político e social asuma súas responsabilidades”.
• Carta aos eólicos: “O expolio está servido”.
• Greenalia, que promove 7 parques eólicos na comarca, fai unha doazón de material escolar.