Luns. 28.09.2020
El tiempo

Carta aos eólicos: “O expolio está servido”

Casas da parroquia de Cores, Ponteceso baixo os muíños de vento do parque eólico de Malpica
Casas da parroquia de Cores, Ponteceso baixo os muíños de vento do parque eólico de Malpica
Carta aos eólicos: “O expolio está servido”

A invasión de viraventos de todos os nosos montes é unha realidade. Así o comprobamos na nova ondada de Parques Eólicos proxectados, tales como o da Salgueiras.

Precisamente o da Salgueiras é un dos que lle quita o sono a Carlos Penedo Casmartiño. O ex edil do BNG de Ponteceso, está involucrado na loita contra os xigantes de vento, e quere enviar esta carta.

Carta de Carlos Penedo

Durante séculos a paisaxe do Rural da Galiza foi sempre a mesma. Vals e montes, determinada pola súa propia vexetación e ubicación sendo de interior ou costeiro. Aldeas e paisaxe dunha beleza impresionante. Historia, memoria, legado e identidade. Rasgos que determinan un territorio de riqueza inesgotable e beleza impresionante. Aquí vivimos as galegas e galegos.

Nestes tempos estamos vendo que hai intereses que quer cambiar todo isto. Cambiar nosa paisaxe, cambiar nosas aldeas,nosa historia e nosa identidade. Basta con viaxar polo noso territorio e observar que é o que esta acontecendo.

Estou falando dos parques eólios que estan instalando por toda Galiza. É tan grande a desproporción do número de parques eólicos que chama poderosamente a atención. É tan grande a desplanificación que nun espazo de menos de dous quilómetros, podemos atopar dous parques eólicos de diferentes empresas. O expolio está servido. O negocio con enormes beneficios, rentúa, unicamente nas empresas eólicas, en ninguen máis.

A coñecida transición enerxética é compartida por min, pero non acepto como estan levando o cambio ás enerxias renovables. Aprovéitanse do Rural, os parques eólicos son abusivos. Un parque eólico é abusivo cando:
1º.- Poñen en perigo a nosa saúde;
2º.- Empobrécennos.
3º.- Provocan o despoboamento.
4º.- Destrúen o noso patrimonio histórico e natural.

Con este panorama pasamos dun pais cun potecial en riqueza paisaxistica e natural impresionante, para un territorio otra vez esquilmado e empobrecido. Depende de nós, despertemos e tomemos conciencia do noso, se nón noso territorio desaparece en pouco tempo.

  • Carlos Penedo Casmartiño.

Novas relacionadas dos Parques Eólicos de Corme

Novas relacionadas cos Parques Eólicos

comentarios