Ponteceso xa se prepara para a Festa do Pan e do Pemento

A Asociación de Empresarios de Ponteceso organiza para este sábado 25 de xuño, no Campo da Feira da Trabe, en Ponteceso, a 4ª Feira do Pan e do Pemento.

Nela participan as panaderías: “Pazos” de Ponteceso e “Lita” de Cabana de Bergantiños. Haberá degustación gratuíta e venda de pan, rosca, empanada, biscoito, boroa,…e demais produtos de panadería e pastelería.

E para acompañar o marabilloso pan da zona, non hai nada mellor que os ricos pementos, que servirá “Frutas Gavin” de Baio, “Frutas Lozano” de Roxos-Compostela e "Vinos Lema" de Tella, todo para pasar unha mañá de lecer, onde os asistentes poden ademais aproveitar a xornada para mercar todo tipo de cousas que ofrece o amplo surtido de establecementos comerciais e de servizos do pobo.

Novas relacionadas

• Corme prepara os Percebes do Roncudo.
• Unha noite no Prácido luar da Fundación Eduardo Pondal.

Fonte

• Asociación de Empresarios de Ponteceso.