Un triangular solidario polos lumes e de homenaxe a brigadistas e tractoristas abrirá un proxecto de rexeneración dos montes de Corme e Ponteceso

Esta mañá de venres 29 de agosto presentouse no Muse de Arte Contemporánea de Corme un proxecto de rexeneración dos montes afectados polos lumes de agosto en Corme e Ponteceso, que servirá como homenaxe aos brigadistas e aos tractoristas da zona que participaron na extinción. 
Un xeito de reflexionar sobre o monte que queremos no país, e de concienciar sobre a necesidade de manter limpos os nosos montes.

Un proxecto, organizado polo diario Quepasanacosta, que comeza coa organización dun triangular solidario, aproveitando o potencial social do Fútbol da Costa, e conta coa colaboración de numerosos entes da zona: 

• Corme CF
• Ponteceso SD
• Asoc. Insua de Viastela.
• Fundación Juana de Vega.
• Asociación Monte Branco.
• Fundación Eduardo Pondal.
• Asociación Eduardo Pondal de Corme.
• Ponteceso Cultura Permanente.
• Asociación Nosa Sañora do Faro de Brantuas.
• Concello de Ponteceso.
• Confraría de Pescadores de Corme
• ANPAS dos colexios de Corme e Ponteceso.
• Drew Corme (Dj)
• Daniel Canosa (enxeñeiro técnico forestal da comarca e membro da Fundación Juana de Vega)
• Brigadistas e axentes da Brigada helitransportada da Lomba (Santa Comba).
• Tractoristas de Corme e Ponteceso.

No acto de presentación puideron estar presentes:
María Álvarez (Corme CF), Juan Vidal (teniente alcalde do Concello), Miguel Cousillas (Ponteceso SD e ANPA de Ponteceso), Suso Lista (AVV Insua de Viastela), Xosé María Varela (Fundación Eduardo Pondal e A. Monte Branco, Manuel Regueira (Ponteceso Cultura Permanente), Antñon Vidal (A.VV. Eduardo Pondal de Corme), Rubén Forján (brigadista da brigada helitransportada da Lomba) e Pablo Alvariño (técnico da base helitransportada de Lomba).

O Triangular Solidario de homenaxe a brigadistas e tractoristas

Para comezar o proceso de recadación de fondos, organizarase un partido solidario (formato triangular) entre o Corme CF, o Ponteceso SD e un combinado de brigadistas vinculados ao Fútbol da Costa. 
Realizarase a recadación a través da venda de rifas (realizaranse diferentes sorteos como camisetas, unha cesta aportada polo Corme CF ou unha noite no Hotel Balarés, entre outros), e de camisetas da campaña.

A cita será o domingo 7 de setembro a partir das 17:00h no campo municipal do Cairo (Corme):

• Corme C.F. - Brigada Helitransportada A LOmba
• Brigada Helitransportada - Ponteceso S.D.
• Corme C.F. - Ponteceso S.D.

A xornada servirá de homenaxe aos Brigadistas que teñen salvado os nosos montes, así como aos tractoristas que puxeron a disposición as súas máquinas, a súa vida e o seu tempo para axudar na extinción. O Concello de Ponteceso terá un detalle con eles.

Unha vez recadado os primeiros fondos neste acto, trataremos de organizar outros eventos para promover a agrupación de parcelas para desenvolver un proxecto de reforestación que deseñarían os especialistas da Fundación Juana de Vega ou outros colaboradores forestais, e converxer con outras iniciativas semellantes que están a xurdir dende o Concello de Ponteceso así como da Fundación Eduardo Pondal

Para o completar o círculo, poderíanse organizar xornadas de plantacións colaborativas de familias da comarca para concienciar sobre a importancia dos bosques autóctonos, para o que xa temos a colaboración das ANPAS dos colexios de Corme e Ponteceso.

As intervencións

Trala explicación inicial de Ubaldo Cerqueiro (QPC), tomou a palabra Suso Lista, que destacou a importancia de “ver tantas entidades xuntas sumando en común”, e abrindo os lazos a moita máis xente. Suso fixo fincapé na necesidade de traballar conxuntamente, e concienciar en clave de prevención, ademais de pediu que se eviten as prantacións eucaliptos nas franxas preto das casas, así como que se aplique a lei de montes.

Dende o Couto, Xosé María Varela puxo a importancia de “reverdecer, de devolver a cor aos negros montes”, pero sobre todo quere impulsar a parte educativa do proxecto, involucrando aos centros de ensino, para os que xa se están a formular charlas formativas da man dos propios brigadistas, como apuntaba tamén Miguel Cousillas dende ANPA do colexio de Ponteceso. Nesa mesma liña educativa afondou Manuel Regueira, como presidente de PCP e como familia afectada. 
Varela lembrou igualmente a importancia de non esquecer que Naturgy, por incumplir as leis, foi causante do primeiro incendio da zona, e pediu ás empresas como Naturgy ou ENCE, e a grandes propietarios como Baldés, que dean exemplo 

Interesantísima a achega de Rubén Forján e Pablo Alvariño, membros da Brigada transportada de Lomba (Santa Comba), que tan de preto viviron os lumes de Corme e Ponteceso. “Cando chegamos era un caos, pero tivemos a sorte de contar coa labor da xente que foi enorme. Non viamos nada e os tractoristas foron limpando de fume e rozando e nos permitiron ir accedendo ás casas. Houbo que facer tendidos longos, priorizando casas ao monte, desaloxando xente… foi moi duro, pero cando quitamos os cascos, as xentes nos recoñecían a través do Fútbol da Costa”, explica Forján, nicrariense sempre vinculado ao fútbol costeiro e hoxe en día adestrador do Zas. “A nosa base é moi grande, pero nunha das brigadas pasa unha cousa curiosa que hai moita xente do Futbol da Costa. Todos os anos facíamos partidos amigables, e por iso quixemos falar con QPC para organizar algo conxuntamente, porque notamos que todo o mundo está moi solidarizado pero fan falta iniciativas que aglutinen e vertebren esa solidariedade”. 

“Sabíamos que había que facer un evento o antes posible,  pero que non quede nun día, porque hai moito que concienciar que non volva pasar”, apuntaba Alvariño. “Hai que concienciar de que hai que limpar as franxas, porque vimos que había moitas casas, algunha novas, coas xestas altísimas”, sinalaron, destacando tamén a necesidade de que os Concellos a instalen máis hidrantes nas parroquias. 

Precisamente, o teniente alcalde Juan Vidal (Partido Galego), centrouse no tema da seguridade, ante a indefensión que sentiron cando o lume chegaba ás casas de Corme Aldea, e apuntou que o Concello está traballando nun proxecto para que as motobombas non podían entrar a traballar no lugar.

OBXECTIVOS do proxecto

• Recadar fondos para promover un proxecto de rexeneración dos montes afectados polos lumes de Corme e Ponteceso durante o mes de agosto de 2025, aproveitando o poder social e de convocatoria do Fútbol da Costa.
• Por a disposición á rede comunitaria de diferentes axentes locais da Costa da Morte para dar algunha solución a devastación forestal provocada polos incendios que afectaron a zona Ponteceso- Corme
• Organizar un ou varios eventos destinados a recaudación de fondos para a repoboación de zonas afectadas.
• Render homenaxe aos brigadistas, axentes forestais e demais bombeiros que tanto teñen traballo para salvar os nosos montes, así como render homenaxe aos tractoristas que traballaron arreo durante os incendios de Corme e Ponteceso.
• Fomentar a implicación da sociedade na recuperación da comunidade afectada
• Servir de apoio as administracións locáis e entidades nas que recae a responsabilidade de recuperación da entorna afectada.
• O proxecto, que tratará de converxer con outros que están a promocionar o Concello de Ponteceso e a Fundación Eduardo Pondal, estará apoiado coa Fundación Juana de Vega, especialista en procesos de agrupación e rexeneración forestal, como o desenvolto na Croa de Camariñas.