Santa Comba desenvolve un especial curso de monitor de tempo libre

Desde o pasado 4 de agosto, un grupo de 25 moz@a de Santa Comba e de concellos da contorna realizan un Curso de Monitor de Actividades de Ocio e Tempo Libre especial. Especial por varias cuestións.

A primeira delas, pola situación derivada da pandemia de COVID-19, que obriga cumplir un estrito protocolo de prevención, o que se aumentan os espazos das actividades (moitas delas ó aire libre, aínda que no agosto xalleiro hai días que chove), control de temperatura no inicio de cada xornada, desinfección dos espazos e materiais empregados, obrigatoriedade da máscara e da hixiene de mans…

Pero especial tamén porque este verán en toda Galicia foron moi poucas as actividades formativas no ámbito da educación non formal que se poideron sacar adiante; e en Santa Comba é posible grazas á disponibilidade de espazos amplios (Auditorio do Multiusos, Recinto Feiral, espazos en plena natureza moi próximos...) e á aposta do propio Concello a través da Concellería de Cultura, Deporte Edicación, Formación e Xuventude para a mellorar da empregabilidade da mocidade de zonas rurales en diversos ámbitos e como complemento a outras accións formativas.

Esta aposta convirte a Santa Comba en referente comarcal neste tipo de formación para a xuventude nos últimos anos logo de que de se viñeran desenvolvendo con éxito varias edicións destas características.

No Curso, que ten lugar ata o 11 de setembro, os 25 participantes completarán 200 horas teórico-prácticas (en horario de luns a venres de 8:00h a 15:00h, e posteriormente terán que realizar 150 horas de prácticas para obter o título oficial, homologado pola Xunta de Galicia.

No Curso, ademáis de mozos e mozas de Santa Comba, tamén participan de Val do Dubra, A Baña, Negreira, Zas, Dumbría e Cee.

A dirección técnica do Curso corre a cargo de Recursos Galicia, prestixiosa Escola de Tempo Libre, que procurou adaptar ó máximo o curso ás necesidades preventivas da situación sanitaria actual.